ქართული მედია უფრო მეტ ყურადღებას ემიგრანტებს უთმობს, ვიდრე იმიგრანტებს - მიგრაციის საკითხების კვლევის შედეგები

მიგრაციის საკითხების გაშუქების შესახებ ჟურნალისტებისთვის ტრენინგები გაიმართა.
კვლევის ავტორებმა 2019-21 წლებში მიგრაციის საკითხებზე ჩატარებული კვლევის შედეგებზე ისაუბრეს.

კვლევა, რომელიც საქართველოში, 2019-21 წლებში გამოქვეყნებულ მედია მასალებზე დაყრდნობით გაკეთდა, აჩვენა, რომ  ქართული მედია  ემიგრაციის თემაზე საკმაოდ დაბალანსებულ სურათს გვათავაზობს, თუმცა, ის ნაკლებ ყურადღებას უთმობს იმიგრანტებს.  კვლევის მიხედვით, ძირითადად იმიგრანტების თემა ბეჭდური მედიას აქვს აღებული და მათ მიმართ  სიძულვილის ენას იყენებს. ამასთანავე, მედიაში წარმოჩენილი აქტორების თვალსაზრისით, უფრო ელიტების ხმა ისმის და  ქალებს ნაკლებად ეკითხებიან.

როგორც კვლევის ავტორი და ჯიპას პროფესორი, თიკო ცომაია ამბობს,  მიუხედავად, იმისა, რომ საქართველოში მედია მიგრაციის საკითხებზე საკმაოდ დაბალანსებულ სურათს გვაჩვენებს, საჭიროა, უფრო მეტი სიღრმისეული გაშუქება და ამ თემის სხვადასხვა ფოკუსიდან ჩვენება.


"ჩვენ გავაკეთეთ კვლევა  და შევისწავლეთ 2019-21 წლებში, როგორ აშუქებს მედია მიგრაციის საკითხებს. რა "ფრეიმებს" იყენებს,  ვინ არიან აქტორები, რომელსაც აძლევს შესაძლებლობას გამოხატოს თავისი თავი და ვნახეთ, რომ მედია დაბალანსებულ სურათს გვთავაზობს. თუმცა, ის ემიგრანტებს უფრო მეტ ყურადღებას უთმობს, ვიდრე იმიგრანტებს.

იმიგრანტების თემა აქვს აღებული ბეჭდურ მედიას და  და იქ არის საფრთხის შემცველი "ფრეიმები", როგორიც არის მიგრანტის უცხოდ, ცუდად და  უარყოფითად წარმოჩენა.

იყენებენ სიძულვილის ენას, რომელიც არ უწყობს ინკლუზიას ხელს, არამედ, პირიქით, ამ განსხვავებულობას  უსვამს ხაზს უსვამს და აბრკოლებს  ამ ჰოლისტურ და ჰარმონიულ თანაარსებობას ადამიანებს შორის.

კარგია ის, რომ მედია ემიგრაციაზე დიდ ყურადღებას ამახვილებს. აქ ძირითადად იყო კარგი ფრეიმები: მორალის, პასუხისმგებლობის და ადამიანის ინტერესის. 
განსაკუთრებით, ტელევიზიები და სანდო მედიები უფრო მეტ ყურადღებას უთმობენ ამ საკითხებს.

აქტორების თვალსაზრისით კი  უფრო ელიტების ხმები ისმის. აი, მაგალითად,  ქალებს ნაკლებად ეკითხებიან. კაცის ხმა უფრო მეტად ისმის.  ამ დეტალებზე დაკვირვებით, ჩვენ შეგვიძლია დავასკვნათ, რომ  დიახ, მედია მაინც კარგ, დაბალანსებულ  სურათს გვაჩვენებს, მაგრამ ეს ისეთი სურათი არ არის ისეთი, რომელიც ჩვენს მრავალფეროვნებას ასახავს. 

საჭიროა, უფრო მეტი განსხვავებული ფოკუსი და სიღრმისეული გაშუქება.  იმიტომ, რომ  ზედაპირული ღარიბი სურათი  არ ქმნის მეტ დისკუსიას.  მნიშვნელოვანია,  ჩვენ ეს თემები შემოვიტანოთ და  მედიამ უფრო სიღრმისეულად გააშუქოს და ჩვენი საზოგადოება შეეჩვიოს ამ დისკუსიებს, განსხვავებულ შეხედულებებს და  და ამით უფრო გამდიდრდება ყველას ცოდნა და გამოცდილება." - ამბობს თიკო ცომაია, კვლევის ავტორი და ჯიპას პროფესორი. 





FaceBook Twitter Google
გამოიწერეთ სიახლეები

თქვენი ელ.ფოსტა:

ამინდი
თბილისი -4 - 6 °C
img
ქუთაისი -5 - 4 °C
img
ბათუმი 1 - 6 °C
img
სოხუმი 0 - 6 °C
img
ფოთი 0 - 6 °C
img
თელავი -2 - 4 °C
img
მესტია -15 - -6 °C
img
ზუგდიდი -4 - 4 °C
img
ბორჯომი -11 - -1 °C
img
პოპულარული - ბოლო 30 დღის
დღეს, ქუთაისში გაიმართება ფილმის - "რას ვხედავთ, როდესაც ცას ვუყურებთ?" ჩვენება

დღეიდან, 3 იანვრიდან  ქუთაისში,  კინო "საქართველოში" გაიმართება  ფილმის - რას ვხედავთ, როცა ცას ვუყურებთ" ჩვენებები.
13:22 / 03.01.2022
ქუთაისის საკრებულომ 2022 წლის ბიუჯეტი დაამტკიცა
ქუთაისის საკრებულომ 2022 წლის ბიუჯეტი დაამტკიცა.
22:44 / 29.12.2021
ქუთაისის მერის ხელფასის გაორმაგებასთან დაკავშირებით საკრებულოს სხდომაზე ხმაურია
ქუთაისის საკრებულო ქალაქის მერისთვის ხელფასის ზრდაზე მსჯელობს.
16:12 / 29.12.2021