განათლება
მასშტაბური პროექტის "გავერთიანდეთ მდგრადი მომავლისთვის" ფარგლებში სემინარი გაიმართა
გოეთეს ინსტიტუტის ორგანიზებით 26-27 ნოემბერს ქუთაისის აკაკი წერეთლის სახელობის სახელმწიფო
უნივერსიტეტში ქუთაისის #8, #1, #43, #35 საჯარო გერმანული სკოლების, ასევე სკოლა "პროგრესის", გელათის საჯარო სკოლის, ბაგრატის #2 გიმნაზიის გერმანული ენის, ფიზიკისა და ქიმიის პედაგოგებისთვის დეა ჩოგოვაძემ და გიორგი მაღრაძემ პრაქტიკულ სასწავლო-მეთოდოლოგიურ სემინარები გაიმართა მდგრადი განვითარების პროგრამულ თემაზე. ეს ორდღიანი სემინარი გოეთეს ინსტიტუტის მნიშვნელოვანი და მასშტაბური პროექტის ფარგლებში "გავერთიანდეთ მდგრადი მომავლისთვის" განხორციელდა საქართველოს განათლების და მეცნიერების სამინისტროს, გარემოს დაცვის სამინისტროს მხარდაჭერით.
სემინარის პირველი დღე თეორიული ნაწილის შემდეგ დაეთმო გამოუყენებელი ტექნიკის ნაწილებისგან და სხვადასხვა ნივთებისგან ოთახი სანათების აწყობას. მონაწილეებმა თავისი დიზაინით შექმნეს სანათურები, თითქოს უსარგებლო, მეორადი ნივთებისგან სასარგებლო ობიექტები გაკეთებეს. სემინარის მეორე დღე დაეთმო გამოყენებითი ხელოვნების ნიმუშის შექმნას ქიმიური პროცესების ჩართულობით.
ამ სემინარების, ისევე მთლიანად პროექტის "გავერთიანდეთ მდგრადი მომავლისთვის" მიზანია საქართველოს მასშტაბით გერმანულენოვან სკოლებში ეფექტურად დაინერგოს სწავლების ახალი მეთოდი მდგრადი განვითარების მიმართულებით და მოხდეს ამ მეთოდის განვითარება, - გერმანული ენის გაკვეთილის დროს ენის შესწავლასთან ერთად გარემოს დაცვის, მწვანე პედაგოგიკისა და მდგრადი განვითარების თემების ინტეგრირება.

გოეთეს ინსტიტუტის ამ პროექტმა "გავერთიანდეთ მდგრადი მომავლისათვის", ომელიც წელს უკვე მეორედ იმართება, 2016 წლის ზაფხულში მიიღო ავსტრიის მეცნიერების, კვლევისა და ეკონომიკის ფედერალური სამინისტროს პრიზი "შუსტაინაბილიტყ Aწარდ"და გარემოს დაცვისა და ენების შესწავლის სფეროში საერთაშორისო დონეზე განსაკუთრებით წარმატებულ პროექტად იქნა მიჩნეული, რომელმაც ხელი შეუწყო სკოლებსა და უნივერსიტეტებს შორის თანამშრომლობას და სამოქალაქო დისკურსი გაააქტიურა.
2015 წლიდან სწორედ ამ მასშტაბური პროექტის ფარგლებში გოეთეს ინსტიტუტის მოწვევით მოხდა ქართველი პედაგოგების გადამზადება ენის შესწავლასთან ერთად გარემოს დაცვის, მწვანე პედაგოგიკისა და მდგრადი განვითარების თემების ინტეგრირებული მეთოდის მიმართულებით. პრაქტიკულ-მეთოდოლოგიური სემინარები ჩაატარეს ცნობილმა საერთაშორისო ექსპერტმა საბინე კვენოტიმ, ასევე ბერნადეტ ვერეშმა; გერმანიიდან, ავსტრიიდან და შვეიცარიიდან მასტერკლასებით ჩამოვიდა 6 საერთაშორისო ექსპერტი გარემოსდაცვითი და მწვანე პედაგოგიკის, ასევე მდგრადი განვითარების სფეროდან: პროფესორი შტეფან შლაიჰერი გრაცის უნივერსიტეტიდან, პროფესორი ვილჰელმ ლინდერი ვენის აგრარული და გარემოსდაცვითი პედაგოგიკის უნივერსიტეტიდან, ქრისტინე ვოგოვიჩი ვენის აგრარული და გარემოსდაცვითი პედაგოგიკის უნივერსიტეტის ვიცერექტორი, პროფესორი ვილჰელმ ლინდერი ვენის აგრარული და გარემოსდაცვითი პედაგოგიკის უნივერსიტეტიდან, დოქტორი ფრანკ ჰოლცფორსტერი გეოლოგიური ცენტრის დირექტორი, დოქ. ბირგიტ კარე ვენის აგრარული და გარემოსდაცვითი პედაგოგიკის უნივერსიტეტიდან. ასევე მასტეკლასები გამართა კულტურულ-მეცნიერებათა დოქტორმა, ბერლინის ხელოვნების ინსტიტუტის თანადამფუძნებელმა ჰილდეგარდ კურტმა.

პროექტი "გავერთიანდეთ მდგრადი მომავლისთვის" წელს სამი თვე გრძელდება, თავისი სტრუქტურით მოიცავს როგორც თბილისის კონფერენციას, ასევე ქართველი პედაგოგებისთვის ვორკშოპებსა და სემინარებს საქართველოს რეგიონებში. ეკონომიკის და ეკოლოგიის მომავალზე კრიტიკული საკითხები განსაკუთრებით ახალგაზრდებს აღელვებთ: ქსელური მდგრადობა მათ შანსს აძლევს, გაეცნონ მდგრადი განვითარების პერსპექტივებს, შეისწავლონ მასთან დაკავშირებული გამოწვევები და აქტიურად ჩაერთონ მიმდინარე პროცესში.ამ განათლების მიზანია არა მატო გაავრცელოს ცოდნა, არამედ ბუნებით, ეკოლოგიითა და გარემოთი დააინტერესება გამოიწვიოს, ხელი შეუწყოს შემოქმედებით პოტენციალს და გააძლიეროს ერთობლივი მუშაობის უნარი. მდგრადი განვითარების ამოსავალი წერტილი იმაში მდგომარეობს, რომ მოსწავლეები ცხოვრების გაუმჯობესებისთვის ერთობლივად ზრუნავენ.

FaceBook Twitter Google
ამავე კატეგორიაში

რადიო
17:41 / 20.10.2017
რადიო "ძველ ქალაქში" გადაცემაში "მთელი დღე".
სკაუტური მოძრაობის ახალი კამპანია, მოსწავლეებში მეწარმეობის ადვოკატირების შესახებ.გადაცემის სტუმრები : სკაუტური მოძრაობის იმერეთის ორგანიზაციის ხელმძღვანელი ანა შალიკიანი, სკაუტები ზურა აბესაძე და ანნა ბუცი.
გადაცემას უძღვება მაია სურმავა.
ინტერნიუსი-საქართველო, ინტერნიუს ნეტვორქთან ერთად აცხადებს კონკურსს
კიევში მულტიმედიური ინოვაციების
16:03 / 03.10.2017
ინტერნიუსი-საქართველო, ინტერნიუს ნეტვორქთან ერთად აცხადებს კონკურსს კიევში მულტიმედიური ინოვაციების
აკაკი წერეთლის სახელმწიფო უნივერსიტეტში შევიცარიის ელჩმა
14:14 / 29.09.2017
აკაკი წერეთლის სახელმწიფო უნივერსიტეტში შევიცარიის ელჩმა
ახალი ამბები
"მეორე ტურის არსებობის შემთხვევაშიც გამარჯვებაში დარწმუნებული ვარ"
17:41 / 22.10.2017
"ქართული ოცნება-დემოკრატიული საქართველოს" ქუთაისის მერობის კანდიდატმა გიორგი ჭიღვარიამ ადგილობრივი თვითმმართველობის არჩევნების შედეგები შეაფასა.
"ქუთაისში საარჩევნო კამპანია სუს-მა აწარმოა"
13:25 / 22.10.2017
"ევროპული საქართველოს" ქუთაისის მერობის კანდიდატი
 მერობის კანდიდატების შედეგები იმერეთში
11:21 / 22.10.2017

ხარაგაულში ქართული ოცნება -დემოკრატიული საქართველოს

ქუთაისში, სავარაუდოდ, მეორე ტურია მოსალოდნელი
11:08 / 22.10.2017
5 თვითმმართველი ქალაქიდან ოთხში "ქართული ოცნების" მერობის
წყალტუბოში წინასწარი მონაცემებით გრიგოლ იოსელიანი ლიდერობს
09:26 / 22.10.2017
ცესკო-ს წინასწარი მონაცემებით,  წყალტუბოში
ვალუტა
EUR
EUR
2.9344
TRY
TRY
0.6784
USD
USD
2.4864
ამინდი
თბილისი 8 - 19 °C
img
ქუთაისი 11 - 21 °C
img
ბათუმი 14 - 20 °C
img