განათლება
„პოეზიის ა(მ)ბები“ „პოეზიის აფთიაქისგან“
სხვადასხვა დასახელების აფთიაქების გვერდით
ახალი "პოეზიის აფთიაქი" გაჩნდა. თუმცა ეს აფთიაქი ტრადიციულისაგან იმით განსხვავდება, რომ აქ ჩვეული დასახელების მედიკამენტებს ვერ შეიძენთ. "პოეზიის აფთიაქი" "პოეზიის ამბებით" მოგამარაგებთ.
პროექტი ილიას უნივერსიტეტს ეკუთვნის. პორექტის ორგანიზატორებმა აფთიაქის შესახებ პრეზენტაცია ქუთაისში, წერეთლის უნივერსიტეტში გამართეს. პროექტის ორგანიზატორმა და პოეტმა ცირა ბარბაქაძემ "პოეზიის აფთიაქის" შექმნისა და დანიშნულების შესახებ ისაუბრა. "კლუბი ილიას სახელმწიფო უნივერისტეტის შექმნის დღიდან არსებობს. ვკითხულობ კურსს, რომელსაც ჰქვია "რა არის პოეზია?". ამ კურსის ფარგლებში შეიქმნა კლუბი და ყოველ წელს გვაქვს სხვადასხვა აქცია, კონკურსები. წელს გვაქვს "პოეზიის აფთიაქი" . ეს არის კონკურსი ახალგაზრდა შემოქმედებისთვის. გვინდა ეს პროექტი გასცდეს ილიას სახელმწიფო უნივერსიტეტს და ვახდენთ დიდ უნივერსიტეტებში მის წარდგენას", - განაცხადა ცირა ბარბაქაძემ.

"პოეზიის აფთიაქში" შემდეგი სახის მედიკამენტები იქნება: ენდორფინ-ა(მ)ბები, პროტესტ-ა(მ)ბები, დითირა(მ)ბები , ცოცხალი ა(მ)ბები (ვიდეო-არტი), საკაიფო ა(მ)ბები - საკაიფო (იგივე საკაფიო) ა(მ)ბები - ანუ კაფიები.
საკაიფო ა(მ)ბები იუმორით, ემოციების მრავალფეროვნებით, რითმებით, განცდებით, გრძნობებით იწვევს შეყვარებულთა "გულის მოოხებას", რის შედეგადაც მკითხველი "კაიფობს".

პოეზიის ა(მ)ბებს განიხილავს და გამოავლენს გამარჯვებულებს ჟიური, რომლის შემადგენლობაშიც არიან: ცირა ბარბაქაძე - პოეტი, პროექტის ორგანიზატორი, ბელა წიფურია - ლიტერატურათმცოდნე, პაატა შამუგია - პოეტი, გია ჯოხაძე - მთარგმნელი, ნატო დავითაშვილი - მწერალი, ზაზა ცოტნიაშვილი - ლიტარატურათმცოდნე, ზურაბ რთველიაშვილი - პოეტი, პერფორმერი.
"ამერიკელმა ფსიქიატრმა შეიტანა სამკურნალო ციკლში პოეზიით მკურნალობა. მან მიიჩნია, რომ პოეზია კურნავს დეპრესიისგან, განგაშის განცდისაგან და ა.შ. აგრეთვე, დიდმა პოეტმა იოსიფ ბროდსკიმ მოუწოდა მთელ ამერიკას, თუ შეიძლება ადამიანს მივართვათ წიგნი, რძის ბოთლები ან ბიბლია და დავდოთ სასტუმროში. რატომ არ შეილება ერთი პოეტური კრებულიც დავდოთ იქ. ან ბიბლიას დავუმშვენოთ მხარი პოეტური კრებულით. ასე მხოლოდ იმას მივიღებთ, რომ ადამიანები კითხვას დაიწყებენ და სხვაგვარად იმეტყველებენ. მიხარია, რომ ამ კონკურსს განვსჯი. მეჩვენება, რომ თუ ახალგაზრდებმა არ აუღეს ალღო პოეტურ მეტყველებას, მერე გაგვიჭირდება", - განაცხადა მთარგმნელმა გია ჯოხაძემ.

პოეზიას რომ განმაკურნებელი თვისება აქვს, ამას პრეზენტაციაზე მისულებიც იზიარებენ. "გვყავდა სტუმრები ძალიან მნიშვნელოვანი კონკურსით "პოეზიის ა(მ)ბები". მართლაც, როგორც შეხვედრაზე აღინიშნა, პოეზიას გააჩნია განმაკურნებელი თვისება. როდესაც ადამიანი კითხულობს ლექსს ის სულიერ განწმენდაც განიცდის. ამ კონკურსში არის ძალიან ორიგინალური ნომინაციები, ჟანრები, რომლებიც შესაძლოა აქამდე არც შეგვხვედრია", - აღნიშნა წერეთლის უნივერსიტეტის ქართული ენის მიმართულების სპეციალისტმა, პოეტმა თამარ ნინიძემ.

კონკურსის სპონსორმა და მხარდამჭერებმა დააწესეს პრემიები:

ენდორფინ-ა(მ)ბები - 1 პრემია (600 ლარი) 11 პრემია - 400 ლარი
პროტესტ-ა(მ)ბები - 1 პრემია (600 ლარი)
დითირა(მ)ბები - 1 პრემია (600 ლარი)
ცოცხალი ა(მ)ბები - 1 პრემია (600 ლარი)
საკაიფო აბები - 1 პრემია (700ლარი) (350-350 თითოეულს)
გამოიცემა კრებული "პოეზიის ა(მ)ბები", რომელშიც შევა ჟიურის მიერ შერჩეული ლექსები. მოეწყობა წიგნის პრეზენტაცია და დაჯილდოება.
კონკურსში მონაწილეობის უფლება აქვს ყველა სტუდენტს და ახალგაზრდას, 30 წლამდე, ერთსა და იმავე მონაწილეს შეუძლია მონაწილეობა მხოლოდ ორ ნომინაციაში, ტექსტი მანამდე არსად არ უნდა იყოს გამოქვეყნებული და სპეციალურად კონკურსისთვის უნდა იყოს შექმნილი.
დაინტერესებულმა პირებმა ტექსტები უნდა გააგზავნონ 1-ლი აპრილიდან 15 მაისამდე მისამართზე: This e-mail address is being protected from spambots. You need JavaScript enabled to view it
15 მაისიდან 20 მაისამდე ჟიური შეარჩევს კრებულში დასაბეჭდ ლექსებს, ხოლო 28 მაისს შედგება პოეზიის კრებულის - "პოეზიის ა(მ)ბები" პრეზენტაცია და ნომინაციაში გამარჯვებულების დაჯილდოება.


FaceBook Twitter Google
ამავე კატეგორიაში
აბიტურიენტები გამოცდებს ზოგად უნარებში აბარებენ.
10:47 / 07.07.2017
აბიტურიენტები გამოცდებს ზოგად უნარებში აბარებენ.
სამედიცინო, ბიზნესი, ეკონომიკა - ეს რადიო
10:42 / 07.07.2017
სამედიცინო, ბიზნესი, ეკონომიკა - ეს რადიო "ძველი ქალაქის" მიერ გამოკითხული
ახალი ამბები
ქუთაისში მაწანწალა ძაღლების საკითხი კვლავ აქტუალურია
16:44 / 18.08.2017
ქუთაისში მაწანწალა ძაღლების პრობლემა კვლავ აქტუალურია. მოსახლეობა დახმარებას ითხოვს.
ქუთაისის მერიას ბიზნესზე ზეწოლაში ადანაშაულებენ
17:44 / 16.08.2017
ქუთაისში მერიის თანამშრომლებს ბიზნესის ზეწოლაში ადანაშაულებენ. საუბარია ფალიაშვილის 11 ნომერში
"ევროპა ჩვენი სახლია" ხელისუფლებას რუსული პროპაგანდის ხელშეწყობაში ადანაშაულებს
14:22 / 15.08.2017
დღეს არასამთავრობო ორგანიზაციამ "ევროპა ჩვენი სახლია" ქუთაისის დემოკრატიული ჩართულობის ცენტრში
ქუთაისის ცენტრალურ ბაღში გამხმარი და წვიმის იმედად დარჩენილი საფარი
16:12 / 14.08.2017
ქუთაისის ცენტრალურ ბაღში მწვანე საფარი გახმა. საკითხს ქუთაისის მერიაში კარგად იცნობენ და განმარტავენ რომ
სამტრედიაში სამხარეო საკონსულტაციო საბჭოს სხდომა დღეს გაიმართა
15:46 / 11.08.2017
დღეს სამტრედიის მუნიციპალიტეტში სახელმწიფო რწმუნებულთან-გუბერნატორთან არსებული
წყალტუბოს მერობისთვის სევერიან გორდულაძე იბრძოლებს
15:19 / 11.08.2017
"ევროპულმა საქართველომ" წყალტუბოს მერობის
ქუთაისის საკრებულოს წევრს ლაშა გვენეტაძეს უფლებამოსილება შეუწყდა
14:55 / 11.08.2017
ქუთაისის საკრებულოს წევრს ლაშა გვენეტაძეს უფლებამოსილება ვადამდე ადრე შეუწყდა.
"ისეთი ორმო გათხარეს, გამოდის რომ აქ ერთოთახიანი ბინის მოწყობა უნდა ვიღაცას"-გოგი წულაია
15:08 / 10.08.2017
პარტია "თაისუფალი საქართველოს" იმერეთის ორგანიზაციის ხელმღვანელმა გოგი წულიამ ბრიფინგი გამართა.
ვალუტა
EUR
EUR
2.7936
TRY
TRY
0.6776
USD
USD
2.3885
«« აგვისტო  »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
თბილისი 20 - 29 °C
img
ქუთაისი 21 - 33 °C
img
ბათუმი 24 - 29 °C
img