განათლება
ლელა ფიროსმანიშვილმა მკითხველს ანგლო-ამერიკული ლიტერატურიდან თარგმნილი ნაწარმოებები წარუდგინა
ქუთაისის ილია ჭავჭავაძის სახელობის საჯარო ბიბლიოთეკის დიდ დარბაზში მთარგმნელთან და და პოეტთან ლელა ფიროსმანიშვილთან შეხვედრა გაიმართა. მან მკითხველს საკუთარი თარგმანები წარუდგინა. ენ მარტინი - ,,ჩემს დასთან ცხოვრების ათი წესი", ნილ გეიმანი - ,,კორალაინი" და ,,სასაფლაოს წიგნი", ტრუმენ კეპოტი - ,,საუზმე ტიფანისთან", უილიამ ბეროუზი - ,,შიშველი საუზმე", პაულო კოელიო - ,,ადიულტერი" - ეს ის წიგნებია, რომელთა წაკითხვას ქართულად ლელა ფიროსამანიშილის თარგმანით შეძლებთ.

ვისაც ხიბლავს იდუმალებით მოცული, ჯადოსნური თავგადასავლები და ზოგადად, ფენტეზის ჟანრის ნაწარმოებები, აუცილებლად უნდა წაიკითხოს თანამედროვე ბრიტანელი მწერლის, გრაფიკული რომანებისა და კომიქსების ავტორის, ნილ გეიმანის ბესტსელერი "კორალაინი", რომელიც უკვე რამდენიმე პრესტიჟული ლიტერატურული პრემიით დაჯილდოვდა.
ქართულ ენაზე პირველად გამოცემული "კორალაინი" შეიძლება მკითხველისთვის შეუცვლელი თანამგზავრი აღმოჩნდეს საიდუმლო კარს მიღმა არსებულ პარალელურ სამყაროში, რომელიც მხოლოდ ერთი შეხედვით წააგავს ნამდვილს.

კიდევ ერთი წიგნი, რომელიც მთარგმნელმა წარადგინა არის "შეჭამე ბაყაყი". როდესაც რაიმე უსიამოვნო, აუცილებელი და გადაუდებელი საქმეა გასაკეთებელი, ჩვენ ვცდილობთ, თავი ავარიდოთ ამ საქმეს და ამ დროს უბრალოდ დროს ვკარგავთ; ემოციური დისკომფორტი და დაუსრულებელი საქმე კი გადაუჭრელ ამოცანად რჩება და სულ უფრო იზრდება. სწორედ ამ პრობლემასთან ბრძოლის იარაღად იქცა ბრაიან თრეისის ბესტსელერი "შეჭამე ბაყაყი", რომელშიც ეფექტიანი მართვისათვის საჭირო პრაქტიკულ რჩევებს ამოიკითხავთ.

არანაკლებ საინტერესოა "სასაფლაოს წიგნი", რომელსაც მთარგმნელმა სიცოცხლის დაბადებაც კი უწოდა. არავინ არავისია, რომელსაც მეგობრები ვინის ეძახიან,ერთი ჩვეულებრივი ბიჭია. კიდევ უფრო ჩვეულებრივი იქნებოდა, სასაფლაოზე რომ არ ცხოვრობდეს და მის აღზრდა-განათლებაზე მოჩვენებები არ ზრუნავდნენ. აბა რა უნდა ქნა, როცა ცოცხალთა სამყარო მოკვლით გემუქრება? არც სასაფლაოზეა ვინისთვის უცხო საფრთხე და თავგადასავლები, მაგრამ იქ არ უშვებენ კაცს, სახელად ჯეკს, რომელმაც ადრე ვინის მშობლები გაიტაცა. ერთ-ერთი საუკეთესო თანამედროვე ავტორის, ნილ გეიმანის "სასაფლაოს წიგნი" არ დატოვებს გულგრილს ფენტეზის მოყვარულებს.
განსაკუთრებით საპასუხისმგებლო აღმოჩნდა ლელა ფიროსმანიშვილისთვის  "შიშველი საუზმის" თარგმნა. რით არის ეს წიგნი ასეთი საინტერესო – არნახულად უჩვეულო შინაარსით? მისი თვითმიზნური პროვოკაციულობით? იქნებ ეს ერთგვარი პროვოკაციაა პროვოკაციისათვის? ერთიცა და მეორეც. მეოცე საუკუნე წარმოუდგენელია ბეროუზის გარეშე, ბეროუზი კი მეოცე საუკუნეში ვერ ეტევა სხვა დიდი ქრონონავტი მწერლებისა და პოეტების მსგავსად, რომლებიც თავიანთი ხედვებით საუკუნიდან საუკუნეში დააბიჯებენ: ის, რაც დრო გადის, უფრო და უფრო პოპულარული ხდება.

ჯერ არასოდეს გინახავთ ცხოვრება ისე შიშვლად, როგორც ამ წიგნში, ისე ახლოდან, როგორც თქვენს ჩანგალზე წამოცმულ საუზმეს ხედავთ ერთი წამით ადრე, სანამ პირთან მიიტანდეთ; ჯერ არასოდეს გინახავთ ასეთი ამერიკა; ჯერ არასოდეს გინახავთ მსოფლგანცდა ასეთი პოსტმოდერნისტული მანერით გადმოეცეს ვინმეს, როგორც ეს უილიამ ბეროუზმა წარმოგვისახა "შიშველ საუზმეში".

"მინდოდა ჩემი პატარა წვლილი შემეტანა იმაში, რომ ქუთაისი გამხდარიყო ლიტერატურული ცხოვრების ნაწილი. რათქმაუნდა ის სედაც არის ლიტერატურული ცხოვრების ნაწილი და ადრე უფრო მეტად იყო. მე გადავწყვიტე ჩემი თარგმანები წარმედგინა და იმედი მაქვს რომ ქუთაისელი ახალგაზრდობა სიხარულით მიიღებს ამ წიგნებს. დიდმა ნაწილმა მიიღო კიდეც და თავისი აზრი შეიძლება ჰქონდეს ამ ყველაფერზე. უფრო ფართო საზოგადოებას გვინდა გავაცნოთ ეს არაჩვეულებრივი ავტორები",- აღნიშნა ლელა ფიროსმანაშვილმა.

წიგნები უკვე გაყიდვაშია.

FaceBook Twitter Google
ამავე კატეგორიაში
იმერეთში, სოფელ ბაჯითში ახალი
19:44 / 17.09.2018
იმერეთში, სოფელ ბაჯითში ახალი
იმერეთის გუბერნატორი, შავლეგო ტაბატაძე მოსწავლეებსა და პედაგოგებს
ახალი სასწავლო წლის დაწყებას ულოცავს.
11:52 / 17.09.2018
იმერეთის გუბერნატორი, შავლეგო ტაბატაძე მოსწავლეებსა და პედაგოგებს ახალი სასწავლო წლის დაწყებას ულოცავს.
გაეროს მოდელირების საერთაშორისო კონფერენციის დახურვის ცერემონიალი
საქართველოს პარლამენტის შენობაში გაიმართა.
20:19 / 16.09.2018
გაეროს მოდელირების საერთაშორისო კონფერენციის დახურვის ცერემონიალი საქართველოს პარლამენტის შენობაში გაიმართა.
ახალი ამბები
"განხორციელდება 10 მილიონი ლარის ინვესტიცია და დასაქმდება 50 ადამიანი"
15:41 / 18.09.2018
ოპოზიციის ბრალდების საპასუხოდ ქუთაისის მერიაში კომენტარს აკეთებენ.
გიგა შუშანია: ბიზნესმენს ქუთაისის ყოფილი მუზეუმის შენობას საარჩევნო ყულაბის შევსების სანაცვლოდ აძლევენ
11:12 / 18.09.2018
მოძრაობა "ძალა ერთობაშია"-ს წევრი, გიგა შუშანია ქუთაისის მერიას კორუფციულ გარიგებაში მონაწილეობაში ადანაშაულებს.
ზესტაფონში მამამ შვილი დაჭრა
16:44 / 14.09.2018
ზესტაფონის მუნიციპალიტეტში მამამ შვილი დაჭრა.
"ადგილობრივ ბიუჯეტებში მასშტაბური ცვლილებები აჩენს ადმინისტრაციული რესურსის გამოყენების განცდას"
13:59 / 14.09.2018
"სამართლიანმა არჩევნებმა" შეისწავლა 2018 წლის 1 მაისიდან ადგილობრივ მუნიციპალიტეტებში განხორციელებული
ქუთაისის საოლქო საარჩევნო კომისიამ ნეიტრალური წევრების შერჩევის ეტაპი დაასრულა
11:18 / 14.09.2018
59-ე ქუთაისის საოლქო საარჩევნო კომისიამ ნეიტრალური წევრების შერჩევის ეტაპი დაასრულა.
"ეს არის ქუთაისის მერიის ანტისოციალური გადაწყვეტილება,"-შშმ პირთა პროგრამაში ბენეფიციარების შემცირება გააპროტესტეს
13:34 / 13.09.2018
"ეს არის ქუთაისის მერიის ანტისოციალური გადაწყვეტილება,"- "ლეიბორისტული პარტიის" ქუთაისის ორგანიზაციის წევრმა,
ქუთაისში სკვერების მდგომარეობის შესასწავლად კომისია შეიქმნა
13:04 / 13.09.2018
,,კომისიის შექმნა გამოწვეულია სკვერებში გაცემული
ვალუტა
EUR
EUR
3.0498
TRY
TRY
0.4189
USD
USD
2.6156
ამინდი
თბილისი 16 - 26 °C
img
ქუთაისი 14 - 24 °C
img
ბათუმი 17 - 23 °C
img