საქართველოში ერთიანი ეროვნული გამოცდები გრძელდება.
დღეს გამოცდას პედაგოგები და აბიტურიენტები აბარებენ.
პედაგოგთა პროფესიული უნარების გამოცდა უკვე დასრულდა, სადაც დარეგისტრირებულ პრაქტიკოს მასწავლებელთა 66 % გამოცხადდა.
აბიტურიენტებმა კი მათემატიკის გამოცდა უნდა ჩააბარონ, რისთვისაც რეგისტრაცია 15:00 საათზე დაიწყება.
ერთიანი ეროვნული გამოცდები 2 ივლისს ქართული ენისა და ლიტერატურის გამოცდით დაიწყო და 26 ივლისს ფიზიკის გამოცდით დასრულდება.
სურვილის შემთხვევაში, გამოცდის მონაწილეებს საგამოცდო ცენტრებში საკუთარი კალმის შეტანა შეუძლიათ. საწერი კალამი შემდეგ პირობებს უნდა აკმაყოფილებდეს: იყოს აუცილებლად შავი ფერის და ჰქონდეს 0,5 მმ-დან 0,7 მმ-მდე ბურთულიანი წვერი.