განათლება
აკაკი წერეთლის სახელმწიფო უნივერსიტეტი პედაგოგიურ ფაკულტეტზე 200 სტუდენტის მიღებას შეძლებს
აკაკი წერეთლის სახელმწიფო უნივერსიტეტი დაწყებითი საფეხურის მასწავლებლობის მსურველების მიღებას ახალი სასწავლო წლიდან შეძლებს.  პროგრამამ აკრედიტაცია უკვე გაიარა.

აკაკი წერეთლის სახელმწიფო უნივერსიტეტში მასწავლებლების მოსამზადებელ სამაგისტრო (ინტეგრირებულ) პროგრამებზე – დაწყებითი საფეხურის მასწავლებელი -  200 სტუდენტს მიიღებენ.  აქედან 180 სტუდენტის სწავლას სახელმწიფო სრულად დააფინანსებს. 20-ს კი სწავლის საფასურის გადახდა მოუწევს. 

რას გულისხმობს სწავლების ახალი მეთოდი და ინტეგრირებული პროგრამა ?

რადიო "ძველი ქალაქი" აკაკი წერეთლის სახელმწიფო უნივერსიტეტის პედაგოგიური ფაკულტეტის დეკანს, ვლადიმერ ადეიშვილს ესაუბრა. მისი განცხადებით, სასწავლებელში უკვე არსებულმა პროგრამა დაიხვეწა.  შეფასებისა და გამოცდების ეროვნული ცენტრისგან იმ კოდის მინიჭებას ელოდებიან, რომლითაც მას აბიტურიენტები აირჩევენ. 

"ეს არის ინტეგრირებული საბაკავრო-სამაგისტრო პროგრამა "დაწყებითი განათლება". ჩვენ ეს პროგრამა ადრეც გვქონდა, მაგრამ იყო მხოლოდ 240 კრედიტიანი და ახალაც სწავლობენ ამ პროგრამაზე სტუდენტები. შემდეგ სამინისტრომ შეიტანა ცვლილებები, რომლის მიხედვით უნდა გაკეთებულიყო 300 კრედიტიანი პროგრამა. ჩვენ მოვამზადეთ ეს პროგრამაც და 1 აგვისტოს გაიარა აკრედიტაცია.   ახლა ველოდებით შეფასებისა  და გამოცდების ეროვნული ცენტრის მიერ პროგრამისათვის კოდის მინიჭებას. რომლითაც აბიტურიენტებს საკუთარ არჩევნაში ამ პროგრამის მითითებაც შეეძლებათ", - განაცხადა ვლადიმერ ადეიშვილმა. 


განახლებული პროგრამა 5 წლიანი გახდა. რაც იმას ნიშნავს, რომ მასზე ჩარიცხული სტუდენტები 4 წლის ნაცვლად 5 წელი ისწავლიან და მათ დამატებით მაგისტრატურის გავლა აღარ მოუწევთ:


"ადრე ვანიჭებდით განათლების ბაკალავრის წოდებას. ინტეგრირებული პროგრამის მიხედვით, წელს ჩარიცხულ სტუდენტებს მიენიჭებათ განათლების მაგისტრის კვალიფიკაცია. ეს სტუდენტები სწავლის დასრულების შემდეგ უფროსი მასწავლებლის სტატუსს მიიღებენ და სკოლებში ამ სტატუსით შევლენ." - განაცხადა ვლადიმერ ადეიშვილმა.  


პროგრამა, რომლითაც 2018-19 სასწავლო წელს ჩარიცხული სტუდენტები ისწავლიან, არსებული პროგრამის განახლებაა. მეხუთე წელი კვლევებს დაეთმობა და კურსდამთავრებულებს სამაგისტრო ნაშრომების დამუშავება მოუწევთ.

ცვლილებები არ შეეხება
იმ სტუდენეტთა სასწავლო პროგრამას და სწავლის ხანგრძლივობას, რომლებიც ამ ფაკულტეტზე უკევ ირიცხებიან. როგორც ფაკულტეტის დეკანი განმარტავს, მათ ბაკალავრის სტატუსს მიანიჭებენ და მასწავლებლის სტატუსის მოსაპოვებლად დამატებით მასწავლებლის მომზადების ერთწლიანი პროგრამის გავლა და სხვადასხვა აქტივობებით კრედიტქულების დაგროვება მოუწევთ. 

"იყო საუბარი, რომ მეორე და მესამე კურსელები ხომ არ გადასულიყვნენ ახალ პროგრამაზე, მაგრამ  ჯერ პასუხი ვერ მივიღე. ამ ეტაპზე 5 წლიანი პროგრამით მხოლოდ წელს ჩარიცხული სტუდენტები ისწავლიან. სხვებს შეეძლებათ მასწავლებლის მომზადების ერთწლიანი პროგრამა გაიარონ. კანოში წერია, რომ 2023 წლამდე 240 კრედიტიანი პროგრამა გაიარონ და დაასრულონ ეს ერთწლიანი პროგრამა. უფროსი მასწავლებლის სტატუსს კი კრედიტკულების დაგროვებით მიიღებენ",- განმარტავს  ვლადიმერ ადეიშვილი. 

იმისათვის, რომ სტუდენტებმა პედაგოგიური ფაკულტეტი და ინტერგირებული პროგრამა უკვე შერჩეულ ფაკულტეტებთან დაამატონ  ოთხი დღე რჩებათ. ფაკლუტეტის დეკანი იმედოვნებს, რომ მიუხედავად მცირე დროისა დაინტერესება დიდი იქნება. აკაკი წერეთლის სახელმწიფო უნივერსიტეტში პროგრამაზე სწავლების მსურველებს დამატებითი კონსულტაციებისათვის უკვე ელოდებიან. შესაფებისა და გამოცდების ეროვნული ცენტრი საგამოცდო ცნობარში ფაკულტეტს უახლოეს დღეებში დაამატებს. 

აკაკი წერეთლის სახელმწიფო უნივერსიტეტთან ერთად, მასწავლებლების მოსამზადებელ სამაგისტრო (ინტეგრირებულ) პროგრამებზე – დაწყებითი საფეხურის მასწავლებელი - აკრედიტაცია ივანე ჯავახიშვილის სახელობის თბილისის, ილიას, ბათუმის შოთა რუსთაველის, სამცხე–ჯავახეთის, გორის, იაკობ გოგებაშვილის სახელობის, თელავის და სოხუმის სახელმწიფო უნივერსიტეტებმა მიიღეს.
FaceBook Twitter Google
ამავე კატეგორიაში
წერეთლის უნივერსიტეტის საბუნებისმეტყველო მეცნიერებათა
15:52 / 14.06.2019
წერეთლის უნივერსიტეტის საბუნებისმეტყველო მეცნიერებათა
აკაკი წერეთლის სახელმწიფო უნივერსიტეტში არაბული
08:48 / 14.06.2019
აკაკი წერეთლის სახელმწიფო უნივერსიტეტში არაბული
შეფასებისა და გამოცდების ეროვნული ცენტრის ინფორმაციით, წელს, 
მთელი საქართველოს მასშტაბით
13:23 / 12.06.2019
შეფასებისა და გამოცდების ეროვნული ცენტრის ინფორმაციით, წელს,  მთელი საქართველოს მასშტაბით
საერთო სამაგისტრო გამოცდები 17 ივლისიდან დაიწყება. შეფასებისა
13:05 / 12.06.2019
საერთო სამაგისტრო გამოცდები 17 ივლისიდან დაიწყება. შეფასებისა
ვალუტა
EUR
EUR
3.0701
TRY
TRY
0.5084
USD
USD
2.6940
«« ივნისი  »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
ამინდი
თბილისი 18 - 32 °C
img
ქუთაისი 20 - 34 °C
img
ბათუმი 21 - 26 °C
img
პოპულარული - ბოლო 30 დღის
ირაკლი ჯულაყიძის სამეცნიერო ექსპედიცია ინდოეთში
აკ. წერეთლის უნივერსიტეტის ასოცირებულმა პროფესორმა, მთამსვლელთა და მოგზაურთა კლუბის "თეთნულდის" წევრმა ირაკლი ჯულაყიძემ,
18:10 / 20.05.2019
ქუთაისში ოლიმპიური სტანდარტების აუზის პროექტირებაზე ტენდერი კვლავ გამოცხადდება
ქუთაისში ოლიმპიური სტანდარტების აუზის მშენებლობის პროექტირებაზე
17:36 / 28.05.2019
ვარციხის სკოლის პედაგოგი პროექტის „მასწავლებელი – მეგზური ევროპისკენ“ გამარჯვებულია
ვარციხის საჯარო სკოლის სამოქალაქო განათლების პედაგოგი ნანა მარღანია პროექტის,
13:35 / 28.05.2019
"საქართველო არასოდეს შეეგუება რუსულ ოკუპაციას" - ქუთაისელი ოფიცრის გზავნილი აშშ-დან
ამერიკის შეერთებულ შტატებში, ფილადელფიის მერიისა და აშშ-ში საქართველოს საელჩოს ორგანიზებით,
15:48 / 05.06.2019
ქუთაისის საკრებულოს წევრს ნანა კოსტავას მედიასაშუალებები აღარ გააშუქებენ

ქუთაისში მოქმედი მედიასაშუალებების წარმომადგენლები საგანგებო განცხადებას ავრცელებენ.

20:09 / 30.05.2019