60 კრედიტიანი პროგრამა, რომელიც მასწავლებლობის უფლებას განიჭებთ
აკაკი წერეთლის სახელმწიფო უნივერსიტეტი მასწავლებლის მომზადების 60 კრედიტიან პროგრამაზე სწავლის მსურველთა მისაღებად მზადაა. ამ პროგრამის გავლის შემდეგ აპლიკანტს შესაძლებლობა ეძლევა მასწავლებლის სტატუსი მიიღოს, შესაბამისად, იმუშაოს სკოლაში პროფესიით. იმისათვის, რომ მასწავლებლის მომზადების 60 კრედიტიან პროგრამაზე დაინტერესებული პირები მოხვდნენ, ჯერ საგნის გამოცდა უნდა ჩააბარონ.

"პროგრამაზე მოსახვედრად აპლიკანტმა უნდა ჩააბაროს საგნის გამოცდა, რომელზე რეგისტრაციაც უკვე გამოცხადებულია. ვინც გამოცდას ჩააბარებს, ჩვენთან სექტემბერში გაივლიან რეგისტრაციას თუ ჩვენს უნივერსიტეტს აირჩევენ. სექტემბრის შუა რიცხვებში ჩავატარებთ შიდა გამოცდას. აპლიკანტებმა უნდა წარადგინონ სამოტივაციო წერილი და ამის საფუძველზე მოხდება საბოლოოდ ჩარიცხვა. სწავლა კი სავარაუდოდ 10 ოქტომბრიდან დაიწყება".- განაცხადა აკაკი წერეთლის სახელმწიფო უნივერსიტეტის პედაგოგიური ფაკულტეტის დეკანმა ვლადიმერ ადეიშვილმა.

დამამთავრებელი კურსის სტუდენტები 2019 წლის ზაფხულში ჩასატარებელ მასწავლებლის გამოცდაზე დარეგისტრირებას და გამოცდის ჩაბარებას ვერ შეძლებენ, შესაბამისად, ისინი მასწავლებლის მომზადების 60 კრედიტიან პროგრამაზე წელს ვერ მოხვდებიან. განათლების მინისტრის მოადგილის, ირინა აბულაძის განცხადებით, განმეორებითი გამოცდის ჩატარება შემოდგომაზე იგეგმება და ამ დროისთვის მათთვის გამოცდაზე გასვლა შესაძლებელი იქნება.

აკაკი წერეთლის სახელმწიფო უნივერსიტეტს მასწავლებლის 60 კრედიტიან პროგრამაზე 12 მოდული აქვს. პროგრამის გავლა სამოქალაქო განათლების, ფიზ.აღზრდისა და ისტის გარდა ყველა მიმართულებითაა შესაძლებელი.

"პროგრამის გავლა შეუძლია ყველას, ვისაც სურს, რომ სკოლაში ასწავლოს ქართული, მათემატიკა, ფიზიკა, ქიმია, ბილოგია, უცხო ენები და ა.შ. გარდა სამოქალაქო განათლების, ფიზ.აღზრდისა და ისტის პედაგოგობის მსურველისა. უცხო ენა და მუსიკა ნებისმიერი კლასისაა, ხოლო დანარჩენი არის საბაზო-საშუალო კლასების. ანუ საგნის გამოცდა უნდა ჩაბარდეს მეშვიდე-მეთორმეტე კლასების."- განაცხადა აკაკი წერეთლის სახელმწიფო უნივერსიტეტის პედაგოგიური ფაკულტეტის დეკანმა ვლადიმერ ადეიშვილმა.

გასულ წელს ქუთაისში, აკაკი წერეთლის უნივერსიტეტში მასწავლებლის მომზადების პროგრამაზე 100 მსურველი მიიღეს, წელს კი 120 აპლიკანტის მიღება იგეგმება. როგორც უნივერსიტეტში აცხადებენ, გასულ წელს პროგრამაზე მოსახვედრად კონკურსი იყო. ვარაუდობენ, რომ წელს მსურველთა რაოდენობა კიდევ უფრო მეტი იქნება.

"100 ადგილი გვქონდა შარშან და მსურველი იყო 134. კონკურსი იყო. ძირითადად ქართულისა და ინგლისურის მიმართულებით იყო ბევრი მსურველი. მივიღეთ მხოლოდ 100 და ეს იყო ე.წ. უფასო ადგილები. იყო საშუალება, რომ გამოგვეცხადებინა 150 ადგილზე მიღება, მაგრამ სახელმწიფო 100 ადგილს დააფინანსებდა. დანარჩენს მოუწევდა თანხის გადახდა. თუმცა, ჩვენ არ ვაკეთებთ აქცენტს რაოდენობაზე. მთავარია ხარისხი და აკადემიური პერსონალით უზრუნველყოფა. წელს 120 ადგილზე გვაქვს გაგზავნილი მოთხოვნა."- ამბობს ვლადიმერ ადეიშვილი.

პროგრამა სხვადასხვა დარგის ბაკალავრებს საშუალებას აძლევს სკოლაში მუშაობის უფლება მოიპოვონ. ამის გარდა, იმ პედაგოგებს, რომლებიც უკვე მუშაობენ და 60 კრედიტინი პროგრამის გავლას გადაწყვეტენ, სწავლის დასრულების შემდეგ მინიჭებული კრედიტი მათ ხელფასზე აისახება.

"კანონის მიხედვით, დარგის ბაკალავრს, მაგალითად მათემატიკის ბაკალავრი. მას არ აქვს სკოლაში მასწავლებლად მუშაობის უფლება. ამიტომ აბარებს საგანს, ადასტურებს მინიმალურ კომპეტენციას საგანში. შემდეგ გაივლის ამ ერთწლიან პროგრამას და შედის სკოლაში მეშვიდე-მეთორმეტე კლასის მათემატიკის მასწავლებლად. მასწავლებლები, რომლებიც უკვე მუშაობენ სკოლებში და ამ პროგრამას გაივლიან, როგორც კი დავადასტურებთ, რომ მათ დაასრულეს პროგრამა, მათ ხელფასზე აისახება, რადგან ხდებიან უფროსი მასწავლებლები. ვინც მასწავლებლად არ მუშაობს, პროგრამის დასრულების შემდეგ, დაიწყებს მუშაობას და შემდეგ ენიჭება უფროსი მასწავლებლის სტატუსი. ანუ ამ პროგრამით მასწავლებლობის უფლებას მოიპოვებს აპლიკანტი."- განაცხადა აკაკი წერეთლის სახელმწიფო უნივერსიტეტის პედაგოგიური ფაკულტეტის დეკანმა ვლადიმერ ადეიშვილმა.

პრაქტიკოს მასწავლებელთა და მასწავლებლობის მსურველთა რეგისტრაცია დაწყებულია. მსურველებს გამოცდებზე დარეგისტრირება 13 მაისიდან 24 მაისის 18:00 საათამდე შეეძლებათ.






FaceBook Twitter Google
ამავე კატეგორიაში
საქართველოში პოლიტიკური რეკლამირების ბიბლიოთეკამ ფუნქციონირება
დაიწყო.
17:07 / 07.08.2020
საქართველოში პოლიტიკური რეკლამირების ბიბლიოთეკამ ფუნქციონირება დაიწყო.
ქუთაისში ვიზიტის დროს იუსტიციის მინისტრმა თეა წულუკიანმა
ჟურნალისტებთან აგვისტოს
16:20 / 07.08.2020
ქუთაისში ვიზიტის დროს იუსტიციის მინისტრმა თეა წულუკიანმა ჟურნალისტებთან აგვისტოს
ქუთაისში იუსტიციის მინისტრი დასავლეთ საქართველოში შშმ პირების
საჭიროებეზე მომუშავე ორგანიზაციების
16:04 / 07.08.2020
ქუთაისში იუსტიციის მინისტრი დასავლეთ საქართველოში შშმ პირების საჭიროებეზე მომუშავე ორგანიზაციების
საქართველოს 17 წლამდე მოქალაქეები ერთჯერად 200 ლარიან დახმარებას
12:37 / 06.08.2020
საქართველოს 17 წლამდე მოქალაქეები ერთჯერად 200 ლარიან დახმარებას
პრემიერის გიორგი გახარიას განცხადებით, კომუნალური გადასახადების
12:14 / 06.08.2020
პრემიერის გიორგი გახარიას განცხადებით, კომუნალური გადასახადების
Aliexpress WW
გამოიწერეთ სიახლეები

თქვენი ელ.ფოსტა:

ამინდი
თბილისი 16 - 31 °C
img
ქუთაისი 17 - 26 °C
img
ბათუმი 19 - 26 °C
img
სოხუმი 17 - 27 °C
img
ფოთი 21 - 26 °C
img
თელავი 17 - 28 °C
img
მესტია 5 - 18 °C
img
ზუგდიდი 16 - 26 °C
img
ბორჯომი 13 - 23 °C
img
პოპულარული - ბოლო 30 დღის
"კანონის მოთხოვნების დაცვით არის მშენებლობის პარამეტრები და მოცულობა"
რუსთაველის ხიდთან კონსტრუქციის მშენებლობა კანონის მოთხოვნების დაცვით
13:11 / 15.07.2020
მესხიშვილის თეატრი სეზონს თეატრის კიბეებზე დახურავს
მესხიშვილის თეატრი სეზონს თეატრის კიბეებზე დახურავს. ღია სივრცეში მაყურებელი
16:13 / 15.07.2020
ადიდებული მდინარე რიონი (კადრები ქუთაისიდან)
ძლიერი წვიმების შედეგად მდინარე რიონი ადიდდდა.
09:48 / 29.07.2020
პოლიტიკის სიახლეები
საქართველოში პოლიტიკური რეკლამირების ბიბლიოთეკამ ფუნქციონირება დაიწყო
17:07 / 07.08.2020
საქართველოში პოლიტიკური რეკლამირების ბიბლიოთეკამ ფუნქციონირება დაიწყო.
"აგვისტოს ომი არის ის ტრაგიკული მოვლენა, რომლის შედეგებსაც ჩვენი ქვეყანა კვლავ იმკის" - თეა წულუკიანი
16:20 / 07.08.2020
ქუთაისში ვიზიტის დროს იუსტიციის მინისტრმა თეა წულუკიანმა ჟურნალისტებთან აგვისტოს
ქუთაისში  შშმ პირთა შესახებ კანონის პრეზენტაცია გაიმართა
16:04 / 07.08.2020
ქუთაისში იუსტიციის მინისტრი დასავლეთ საქართველოში შშმ პირების საჭიროებეზე მომუშავე ორგანიზაციების
რა დახმარებას სთავაზობს მთავრობა სტუდენტებსა და 17-წლამდე ახალგაზრდებს
12:37 / 06.08.2020
საქართველოს 17 წლამდე მოქალაქეები ერთჯერად 200 ლარიან დახმარებას