განათლება
სამტრედიის N1 საჯარო სკოლის პედაგოგი ფრანგული ენის საუკეთესო მასწავლებლად დასახელდა
მასწავლებელთა პროფესიული განვითარების ეროვნულმა ცენტრმა 2019 წლის საუკეთესო მასწავლებლები გამოავლინა. იმერეთიდან საუკეთესო მასწავლებლის ჯილდო სამტრედიის N1 საჯარო სკოლის პედაგოგმა ირმა ვაშაკიძემ მიიღო. ის ფრანგული ენისა და ლიტერატურის მასწავლებელია.

ფრანგული ენის საუკეთესო მასწავლებელს ფრანგული ინსტიტუტი საფრანგეთში სტაჟირებას დაუფინანსებს. გარდა ამისა, მას კომისიის წევრმა, მირანდა ლომიძემ მეხსიერების ბარათი და დამხმარე სახელმძღვანელოები გადასცა. თავდაცვის ეროვნულმა აკადემიამ კი სიმბოლური საჩუქრებით დააჯილდოვა.
,, ვთვლი, რომ ჩემი წარმატება განაპირობა ძალიან დიდმა შრომამ,ერთგულებამ და დიდმა სიყვარულმა ჩემი პროფესიისა.მასწავლებლის პროფესიული განვითარების ცენტრი, ფრანგული ინსტიტუტი ძალიან ბევრს აკეთებს ფრანგული ენის გაძლიერებისა და პოპულარიზაციისათვის.პროექტში- ,,ისწავლე და ასწავლე საქართველოსთან ერთად " ჩართულობამ ,მომცა საშუალება მეთანამშრომლა ფრაგ პროფესიონალ პედაგოგთან გოტიე კრეპტთან,რომელიც დამეხმარა ფრანგული ენის ატმოსფეროს შექმნაში. ძალიან ბევრი აქტივობა განვახორციელე სკოლაში,გვაქვს ბევრი გამარჯვება კონკურსებში, პროექტებში ჩვენს სკოლაში განსაკუთრებით უყვართ ფრანგული ენის გაკვეთილები, ფუნქციონირებს ფრანგული კლუბი.ფრანგული ენის გაძლიერება სკოლის დირექტორის ქალბატონ ხ.ფაილაძის გვერდში დგომის დამსახურებაა. ბედნიერი ვარ ამ აღიარებით,საქართველოში ძალიან ბევრი ღირსეული ფრანგული ენის პედაგოგია,დიდი ჯილდოა ჩემთვის იყო საქართველოს საუკეთესო მასწავლებელი,რაც მაძლევს კიდევ სტიმულს იმისას, რომ კიდევ ბევრი გავაკეთო ჩემს პედაგოიურ საქმიანობაში"- ამბობს პედაგოგი ირმა ვაშაკიძე.

მასთან ერთად 25 სექტემბერს, მასწავლებელთა პროფესიული განვითარების ეროვნული ცენტრის დირექტორმა ბერიკა შუკაკიძემ 2019 წლის ინგლისური, გერმანული, რუსული და ქართული,როგორც მეორე ენების საუკეთესო მასწავლებლის კონკურსის გამარჯვებულები დააჯილდოვა.
კონკურსში,რომელიც 2019 წლიდან მასწავლებელთა პროფესიული განვითარების ეროვნული ცენტრის ინიციატივით ტარდება, მონაწილეებს ადგილობრივი და საერთაშორისო საგნობრივი სპეციალისტებისგან დაკომპლექტებული კომისია აფასებდა. კომისიის წევრები დაესწრნენ თითოეული მათგანის გაკვეთილს, ჩაატარეს ინტერვიუები სასკოლო საზოგადოებისა და ადგილობრივი თემის წევრებთან, ასევე შეისწავლეს თითოეული მასწავლებელის პორტფოლიო.

დაჯილდოების ცერემონია გორის სახელმწიფო სასწავლო უნივერსიტეტში გაიმართა. კონკურსში მონაწილე 14 ფინალისტიდან გამარჯვებულად თითოეული საგნის ერთი სპეციალისტი დასახელდა,რომელთაც მასწავლებლის სახლმა სიგელები, სამკერდე ნიშნები და სახელმძღვანელოები გადასცა. ხუთივე ფინალისტი მასწავლებელთა პროფესიული განვითარების ეროვნული ცენტრის პარტნიორმა, საქართველოს ბანკმა 500 ლარით დააჯილდოვა.

FaceBook Twitter Google
ამავე კატეგორიაში
ქუთაისში, აკაკი წერეთლის სახელმწიფო უნივერსიტეტში, გუგლის
ორგანიზებით
17:06 / 20.02.2020
ქუთაისში, აკაკი წერეთლის სახელმწიფო უნივერსიტეტში, გუგლის ორგანიზებით
ქუთაისის 30-ე საჯარო სკოლის დირექტორი, მიხეილ გიორგაძე, საუკეთესო
დირექტორთა სამეულში მოხვდა.
14:38 / 17.02.2020
ქუთაისის 30-ე საჯარო სკოლის დირექტორი, მიხეილ გიორგაძე, საუკეთესო დირექტორთა სამეულში მოხვდა.
Aliexpress WW
ამინდი
თბილისი 3 - 13 °C
img
ქუთაისი 6 - 18 °C
img
ბათუმი 7 - 13 °C
img
პოპულარული - ბოლო 30 დღის
7 წლის ბაღდათელმა მოჭადრაკემ ევროპის სასკოლო ჩემპიონატის საგზური მოიგო
თბილისის ჭადრაკის სასახლეში გამართულ საქართველოს სასკოლო ჩემპიონატზე ბაღდათელმა
13:06 / 12.02.2020
ქუთაისის 30-ე საჯარო სკოლის დირექტორი საუკეთესო დირექტორთა სამეულში მოხვდა
ქუთაისის 30-ე საჯარო სკოლის დირექტორი, მიხეილ გიორგაძე, საუკეთესო დირექტორთა სამეულში მოხვდა.
14:38 / 17.02.2020
ხანის ყველი, სულგუნი და სხვადასხვა ნაწარმი პრაღის ტურისტულ გამოფნაზე წარადგინეს
პრაღაში გამართულ ტურიზმის საერთაშორისო გამოფენა-ბაზრობაში ბაღდათელმა მეწარმეებმა მონაწილეობა
14:55 / 17.02.2020