პრემიერის თქმით, მიუხედავად 38 ახალი ინფიცირებულისა, სწავლა არ გადაიდება
პრემიერის გიორგი გახარიას თქმით, მიუხედავად იმისა, რომ დღეის მდგომარეობით, ინფიცირების 38 ახალი შემთხვევა გამოვლინდა, სასკოლო პროცესი არ გადაიდება. მისივე განცხადებით, საგანმანათლებლო პროცესი სკოლებში უნდა დაიწყოს 15 სექტემბერს და ამისთვის სრულად უნდა იყვნენ მობილიზებული განათლებისა და ჯანდაცვის სამინისტროები.

"მიუხედავად იმისა, რომ დღეს ჩვენ გვყავს 38 ინფიცირებული, რა თქმა უნდა, არანაირი საუბარი სასკოლო პროცესის გადადებაზე არ არის. საუბარია იმაზე, რომ საგანმანათლებლო პროცესი სკოლებში უნდა დაიწყოს 15 სექტემბერს. ამისთვის სრულად უნდა იყვნენ მობილიზებული განათლებისა და ჯანდაცვის სამინისტროები. ჩვენი პასუხისმგებლობა აქ არის მაღალი იმისთვის, რომ არანაირი რისკი სასწავლო პროცესს არ შეექმნას. ამისთვის საჭიროა საგანმანათლებლო დაწესებულებებში შესაბამისი ზომების მკაცრი დაცვა",-განაცხადა გიორგი გახარიამ.
| Print |