იმერეთში თბილისის შემდეგ კოვიდის ყველაზე მეტი შემთხვევა დადასტურდა
ბოლო 24 საათში ქვეყანაში კორონავირუსის 1 354 ახალი შემთხვევა დადასტურდა, აქედან იმერეთში 184 გამოვლინდა. დღევანდელ კოვიდსტატისტიკაში იმერეთი მეორე ადგილზეა. ყველაზე მეტი შემთხვევები თბილისში დადასტურდა.

იმერეთის საავადმყოფოებში 538 პაციენტი მკურნალობს. მძიმეა 165 მათგანის ჯანმრთელობის მდგომარეობა. ხელოვნური სუნთქვის აპარატზეა 16 პირი. თვითიზოლაციაშია 1 707 მოქალაქე. 

ბოლო 24 საათში ქვეყნის მასშტაბით გამოჯანმრთელდა 821 პირი. გარდაიცვალა 15 პაციენტი.
| Print |