2021 წელს, საქართველოში 17 774 აბორტი გაკეთდა

დაავადებათა კონტროლის ეროვნული ცენტრის სტატისტიკის მიხედვით, 2021 წელს, საქართველოში 17 774 აბორტი გაკეთდა, რაც წინა წლის აბორტების საერთო რიცხვზე 7%-ით ნაკლებია.

 

NCDC-ის ინფორმაციით, 2021 წელს ქვეყანაში რეგისტრირებული ხელოვნური აბორტების წილი 62.7%-ს უდრიდა.

ცენტრის ცნობით, ხელოვნური აბორტის ყველაზე მაღალი მაჩვენებელი 25-34 წლამდე ქალების ასაკობრივ ჯგუფში ფიქსირდება. გასულ წელს, აღნიშნულ ასაკობრივ კატეგორიაში 9 414 აბორტი გაკეთდა.

NCDC-ს ინფორმაციით, ხელოვნური აბორტის მეთოდის მიხედვით, 2021 წელს მედიკამენტური აბორტების წილი წინა წლებთან შედარებით, გაზრდილია.

ცნობისთვის, 2020 წელს საქართველოში 19 039 აბორტი გაკეთდა.

| Print |