კულტურა
"დიდხანს მეგონა, რომ ჩვეულებრივ ოჯახში დავიბადე"-ნოე ჟორდანიას შვილიშვილი ქუთაისში
"დიდხანს მეგონა, რომ ჩვეულებრივ ოჯახში დავიბადე, სადაც მამა, დედა, და, ბაბუა, ბებია, ბიძა, დეიდა, ბიძაშვილები და ის მეგობრები ცხოვრობდნენ, რომელთა შორისაც ზოგიერთი მოგვიანებით ჩემი ნათლიმამა და ნათლიდედები გახდნენ. თუმცა, რაც უფრო ვიზრდებოდი, ვაცნობიერებდი, რომ ჩვენი ოჯახი სხვებისას არ ჰგავდა,"- ასე იწყება ნოე ჟორდანიას შვილიშვილის, ქრისტინე ფაღავას წიგნი, რომელიც, საქართველოს დამოუკიდებლობის 100 წლის იუბილესთან დაკავშირებით, ქუთაისს ესტუმრა. 

ქრისტინე ფაღავამ წერეთლის უნივერსიტეტში შეკრებილ აუდიტორიას საკუთარი წიგნი-"ერთი უჩვეულო ოჯახი" წარუდგინა. როგორც ავტორმა განმარტა, ნამუშევარი თავდაპირველად ფრანგულ ენაზე შეიქმნა და მოგვიანებით, ქართული მხარის დაინტერესების შემდეგ, თავად ავტორმა ქართულ ენაზე თარგმნა.

"მიხარია, რომ ახალგაზრდა თაობა დაინტერესებულია. ჩემი წიგნი შარშან გამოიცა და წელს შევძელი ჩამოსვლა ქუთაისში. ბიძაჩემმა მითხრა, რომ მე დედას მონაყოლი ამბები მახსოვდა. მართლაც, დედაჩემი მე და ჩემს დას გვიყვებოდა როგორი იყო მათი ცხოვრება საქართველოში. რაღაცნაირად ეს ყველაფერი ჩემს გონებაში ჩაიბეჭდა. წიგნი რამდენიმე ნაწილისაგან შედგება: დედას მოგონებები როგორ მახსოვდა, საკუთარი მოგონებები ბაბუაჩემზე, ბებიაჩემსა და მამაჩემზე. ნამუშევარს ბოლოს დართული აქვს ქრონოლოგია, ისტორიული მოვლენების მიმოხილვა,"-განაცხადა ქრისტინე ფაღავამ.

ნოე ჟორდანიას შვილიშვილი ქუთაისს პროექტის- "საუბრები ქართულ ემიგრაციაზე" ფარგლებში ესტუმრა. ქრისტინე ფაღავა პროექტის პირველი სტუმარია.  

"როდესაც ემიგრაციაში მყოფი პოლიტიკური ემიგრანტები 26 მაისს აღნიშნავდნენ, ისინი ყოველთვის ასე ლოცავდნენ ერთმანეთს- "მომავალ ამ დროს ჩვენს სამშობლოში თქვენთან ერთად". მართალია, ქართულმა პოლიტიკურმა ემიგრაციამ ჩამოსვლა ვერ მოახერხა, თუმცა მათი შთამომავლები ჩამოვიდნენ საქართველოში. სწორედ ამ ადამიანებს ვიწვევთ სასაუბროდ და ისტორიების მოსაყოლად,"-განაცხადა აწსუ-ს ფილოლოგიის დოქტორმა მარიამ მარჯანიშვილმა.

ქრისტინე ფაღავამ საკუთარი წიგნი მის ოჯახის წევრებსა და საქართველოს ახალგაზრდა თაობებს მიუძღვნა.


FaceBook Twitter Google
ამავე კატეგორიაში
ქუთაისის მოსწავლე-ახალგაზრდობის სასახლის ეთიკისა და ესთეტიკის წრის
ორგანიზებით
13:55 / 19.05.2019
ქუთაისის მოსწავლე-ახალგაზრდობის სასახლის ეთიკისა და ესთეტიკის წრის ორგანიზებით
18 მაისს, მუზეუმების საერთაშორისო დღესთან დაკავშირებით,
13:32 / 16.05.2019
18 მაისს, მუზეუმების საერთაშორისო დღესთან დაკავშირებით,
ფესტივალი
17:49 / 14.05.2019
ფესტივალი "თეატრალური იმერეთი" ტრადიციულად მესხიშვილის
ნინო ჯანაშია თვითნასწავლი ხელოვანია. წლებია ნემსით
14:01 / 13.05.2019
ნინო ჯანაშია თვითნასწავლი ხელოვანია. წლებია ნემსით
ქუთაისში მხატვართა საგაზაფხულო გამოფენა გაიხსნა.  გალერეაში
17:24 / 10.05.2019
ქუთაისში მხატვართა საგაზაფხულო გამოფენა გაიხსნა.  გალერეაში "ვარლა" 
ვალუტა
EUR
EUR
3.0701
TRY
TRY
0.5084
USD
USD
2.6940
«« მაისი  »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
თბილისი 14 - 25 °C
img
ქუთაისი 14 - 23 °C
img
ბათუმი 17 - 21 °C
img
პოპულარული - ბოლო 30 დღის
60 კრედიტიანი პროგრამა, რომელიც მასწავლებლობის უფლებას განიჭებთ
აკაკი წერეთლის სახელმწიფო უნივერსიტეტი მასწავლებლის მომზადების
18:21 / 16.05.2019
ქუთაისის მერია ქალაქში 60 ერთეული მუნიციპალური ავტობუსის შემოყვანას გეგმავს
ქუთაისის მერია ქალაქში 60 ერთეული მუნიციპალური ავტობუსის შემოყვანას გეგმავს.
21:41 / 24.04.2019
საპროტესტო პლაკატების გაკვრისთვის კაფე "სავანეს" მფლობელები დააჯარიმეს
კაფე "სავანეს" მფლობელები მერიის ზედამხედველობის სამსახურმა
14:57 / 30.04.2019
"გვირილობის" დღესასწაულზე დაგეგმილი ღონისძიებების ჩამონათვალი ცნობილია
ქუთაისში 2 მაისს, ტრადიციულად, "გვირილობის" დღესასწაულის გაიმართება.
14:36 / 25.04.2019