გელათის სამონასტრო კომპლექსში არსებული ხარვეზების შესახებ კომენტარი სამუშაოების შემსრულებელი

კომპანიის წარმომადგენელმა გააკეთა. “ხელოვნების საერთაშორისო ცენტრის” დირექტორის მაკა დვალიშვილის თქმით, ჯერ-ჯერობით დაზიანების კონკრეტული მიზეზის დასახელება რთულია და აღნიშნული გამოკვლევის შემდეგ დადგინდება. დვალიშვილი ამბობს, რომ ამ დროისათვის წვიმისაგან ფრესკებს ტენტები და დროებითი გადახურვა დაიცავს. დვალიშვილის განმარტებით, პირველი დაზიანებები გელათის მონასტერში თებერვლის თვეში დაფიქსირდა. მას შემდეგ კი დროის გაჭიანურება კვლევითმა სამუშაოებმა და პანდემიამ გამოიწვია. სამუშაოების შემსრულებელი კომპანიის წარმომადგენელი ვერ აკონკრეტებს, როდის დასრულდება ხარვეზების გამოსწორების სამუშაოები.

“ეს პროცესი ყოველთვის არის რეაბილიტაციის თანმდევი. პროექტის განხორციელების დროს რისკ ფაქტორი ყოველთვის არის ჩადებული. ახლა მიმდინარეობს კვლევა და ლაბორატორიაში გაგზავნილია როგორც დაზიანებული, ასევე დაუზიანებელი კრამიტები. უშუალოდ ამის შემდეგ დაგინდება დაზიანების გამომწვევი მიზეზები. რაც არის დაზიანებული, ის აუცილებლად გამოიცვლება. ამ ეტაპზე არ არის მარტივი შესაფასებელი, რა არის დაზიანების მიზეზი. 50 დღიანი ციკლი მხოლოდ გამოკვლევას სჭირდება. მთავარი პრობლემა არის ის, რომ როდესაც დაჩქარებული წესით ხდება საქმიანობა, ხარვეზები წარმოიქმნება, ამიტომ საჭიროა დრო,”-აცხადებს დვალიშვილი.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *