პოლიტიკა
"რუსეთი ჩვენი ერთმორწმუნე მტერია"-"ევროპა ჩვენი სახლია"
არასამთავრობო ორგანიზაციამ "ევროპა ჩვენი სახლიას" დამფუძნებელი გია გოქაძე დღეს გამართულ ბრიფინგზე ქუთაისში ჩატრებულ ქართულ -რუსული კინოკვირეულს გამოეხმაურა და განაცხადა, რომ ადგილობრივი ხელისუფლება არის ღიად ჩართული რუსული პროპაგანდის წარმოებაში.

"ქუთაისში ჩატარდა ქართულ-რუსული კინოკვირეული, მაშინ როდესაც ევროპა და ამერიკის შეერთებული შტატები გვერდში უდგანან საქართველოს. ამ დროს ქუთაისში ტარდება ეს კვირეული და მასში მონაწილეობას იღებს ქალაქის მერი და მეუფე კალისტრატე - ქალაქისა და ეპარქიის პირველი პირები, ადგილობრივი ხელისუფლება არის ღიად ჩართული რუსული პროპაგანდის წარმოებაში, რაც საფრთხის შემცველია ჩვენი ქვეყნის ინტერესებისთვის და ძალიან მძიმედ შემოგვიტრიალდება, თუკი ყურადღება არ მიექცა", - განაცხადა გია გოქაძემ.

აღნიშნულ ბრალდებას თავად კინოთეატრ "საქართველოს" მფლობელი თენგიზ აბესაძე პასუხობს.

"რიაზანოვის ფილმების ჩვენება გაიმართა, ეს ჩვენ კულტურასთან გვაქვს საქმე და ვიღაც უკულტურო ადამიანმა რაღაც უკულტურობა თქვა ეს მისი უფლებაა. ვისაც როგორ უნდა ისე გაიგებს,"-განაცხადა თენგიზ აბესაძემ.

გოქაძემ დღეს ასევე ორი წერილი გაუგზავნი, როგორც ქალაქის მერს, ისე ქუთათელ-გაენათელ მიტროპოლიტ მეუფე კალისტრატეს, რომლებშიც კათალიკოს ამბროსი ხელაიას (1861-1927) გენუის კონფერენციისადმი მიმართვა იქნება ჩადებული, ასევე იმ მეომართა სია, რომლებიც 2008 წლის რუსეთ-საქართველოს ომში დაიღუპნენ.

შეგახსენებთ, რომ კინოთეატრ "საქართველოში" 30 აპრილს რეჟისორების რეზო ჩხეიძისა და ელდარ რიაზანოვის სახელობის კინოკვირეული გაიხსნა. კვირეულის ფარგლებში 8 რუსული და 5 ქართული ფილმი იქნა ნაჩვენები. ღონისძიების გახსნას ქალაქის მერი შოთა მურღულია და ქუთათელ-გაენათელი მიტროპოლიტი მეუფე კალისტრატეც ესწრებოდნენ.


FaceBook Twitter Google
ამავე კატეგორიაში
ქუთაისში გარემოვაჭრეები გარევაჭრობის საფასურს მერის ბრძანების
საფუძველზე
16:24 / 27.01.2020
ქუთაისში გარემოვაჭრეები გარევაჭრობის საფასურს მერის ბრძანების საფუძველზე
ქუთაისის მერია მერიისა და საკრებულოსთვის საინფორმაციო-სარეკლამო
14:14 / 27.01.2020
ქუთაისის მერია მერიისა და საკრებულოსთვის საინფორმაციო-სარეკლამო
ამინდი
თბილისი 0 - 9 °C
img
ქუთაისი 6 - 12 °C
img
ბათუმი 9 - 14 °C
img
პოპულარული - ბოლო 30 დღის
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო. ქუთაისის
16:26 / 21.01.2020
ქუთაისის საბავშვო ბაღებში სასწავლო პროცესი 20 იანვარს განახლდება 
ქუთაისის საბავშვო ბაღებში სასწავლო პროცესის განახლება 20 იანვარს იგეგმება.
15:08 / 15.01.2020
,,დათვის ტბა" , ,,ბოგა" - ხონში ტურისტებისთვის დამატებითი სანახაობების შეთავაზებაზე მუშაობენ
ხონში ტურისტებისათვის ახალი ადგილების შეთავაზებაზე მუშაობენ. ხონის მუნიციპალიტეტის მერი,
18:18 / 10.01.2020