Google Chrome-ში სტრიმის მოსმენა შეზღუდულია.   გთხოვთ გამოიყენოთ სხვა ბროუზერი

პოლიტიკა
"პირველი, რასაც გავაკეთებ, ეს იქნება კომუნიკაცია ადგილობრივ თვითმმართველობასთან"
იმერეთის ახალმა გუბერნატორმა, შავლეგო ტაბატაძემ მედიასთან პირველი კომენტარები გააკეთა. ტაბატაძემ განმარტა, რომ ის საკუთარი გამოცდილების რეგიონისათვის მოხმარებას გეგმავს.

"შევეცდები, რომ მთელი გამოცდილება ჩემს რეგიონს მოვახმარო. იმერეთის რეგიონი ჩემთვის უცხო არ არის იმიტომ, რომ გარკვეული პერიოდის განმავლობაში მომიწია აქ მუშაობა. ისედაც იმერეთიდან ვარ. პირველი, რასაც გავაკეთებ, ეს იქნება კომუნიკაცია ადგილობრივ თვითმმართველობასთან. არ აქვს მნიშვნელობა თითოეული ჩვენგანი შეიარაღებულ ძალებში ვიქნებით თუ სამოქალაქო სექტორში, მთავარია, ჩვენს ქვეყანას ვემსახუროთ,"-განაცხადა ახალმა გუბერნატორმა.

რაც შეეხება საკადრო ცვლილებებს, შავლეგო ტაბატაძეს კონკრეტული გეგმები ჯერ არ გაუსაჯაროვებია.

საქართველოს პრემიერ-მინისტრმა, მამუკა ბახტაძემ იმერეთის გუბერნატორად შავლეგო ტაბატაძე დღეს წარადგინა.

,,ის გახლავთ ერთ–ერთი გამორჩეული სამხედრო. მინდა საზოგადოებას ვუთხრა, რომ ბოლო ორი წლის განმავლობაში ხელმძღვანელობდა ქართული მხრიდან ძალიან მნიშვნელოვან სწავლებებს. იგი მონაწილეობდა საქართველოს სამშვიდობო მისიებში და გახლავთ ერთ–ერთი ყველაზე წარმატებული სამხედრო ამ მიმართულებით. მას აქვს დიდი წვლილი შეტანილი საერთაშორისო უსაფრთხოების განმტკიცების საქმეში და პირადად მისი ავტორიტეტი ჩვენს ჯარისკაცებშიც არის საკმაოდ მაღალი. მე განსაკუთრებით მიხარია, რომ ასეთი წარსულის ადამიანს ვანდობთ ისეთ საპასუხისმგებლო საქმეს, როგორიც არის ჩვენი ქვეყნის ერთ–ერთი ყველაზე ლამაზი რეგიონის ხელმძღვანელობა"–განაცხადა მამუკა ბახტაძემ.

იმერეთის გუბერნატორის პოსტი ბოლოს გივი ჭიჭინაძეს ეკავა. ჭიჭინაძე მოვალეობისაგან მას შემდეგ გათავისუფლდა, რაც ის ვანისა და ხონის მაჟორიტარად აირჩიეს. ამ დრომდე კი იმერეთის გუბერნატორის მოვალეობას ვიცე-გუბერნატორი, გრიგოლ დალაქიშვილი ასრულებდა.
FaceBook Twitter Google
ამავე კატეგორიაში
საქართველოს პრემიერ მინისტრის გიორგი გახარიას განცხადებით 
ანტიკრიზისული გეგმის
14:39 / 28.05.2020
საქართველოს პრემიერ მინისტრის გიორგი გახარიას განცხადებით  ანტიკრიზისული გეგმის
გასული სიმღერები
Aliexpress WW
გამოიწერეთ სიახლეები

თქვენი ელ.ფოსტა:

ამინდი
თბილისი 14 - 30 °C
img
ქუთაისი 14 - 23 °C
img
ბათუმი 16 - 20 °C
img
სოხუმი 14 - 21 °C
img
ფოთი 16 - 20 °C
img
თელავი 16 - 30 °C
img
მესტია 4 - 14 °C
img
ზუგდიდი 13 - 22 °C
img
ბორჯომი 9 - 22 °C
img
პოპულარული - ბოლო 30 დღის
ლედი მერკვილიშვილს გზა ვანიდან აშშ-მდე

ახალგაზრდებისთვის პროფესიის სწორად შერჩევას განსაკუთრებული მნიშვნელობა აქვს. როგორც წესი მომავალი

10:34 / 11.05.2020
უჩა მაჭარაშვილმა საჩხერეში ვაზის უძველესი ქართული ჯიშის აღდგენა დაიწყო
საჩხერეში, სოფელ მახათაურში უჩა მაჭარაშვილმა 2017 წელს ოჯახური ტრადიცია შემოსვალის წყაროდ აქცია.
18:49 / 05.05.2020
პოლიტიკის სიახლეები