პოლიტიკა
"ქუთაისის საკრებულოში მომხდარი ძალადობრივი ინციდენტი წინასაარჩევნო გარემოს აზიანებს"- არასამთავრობო ორგანიზაციები საკრებულოს დეპუტატების ინციდენტზე
ქუთაისის საკრებულოს ენმ-ს დეპუტატზე ფიზიკურ თავდასხმას არსამათვრობო როგანიზაციები ეხმაურებიან. მათი განცხადებით სამწუხაროა,  არაერთის მოწოდების მიუხედავად, ცალკეული მუნიციპალიტეტის წარმომადგენლობით ორგანოში კვლავ აქვს ადგილი ძალადობის სხვადასხვა ფორმით გამოვლინებას. 

"ეს არ არის პირველი შემთხვევა, როდესაც სხვადასხვა მუნიციპალიტეტის საკრებულოს წევრები ერთმანეთს ფიზიკურად უსწორდებიან. მაგალითად, 2014 წლის დეკემბერში, ქუთაისის საკრებულოს სხდომათა დარბაზში ერთმანეთს "ქართული ოცნებისა" და "ერთიანი ნაციონალური მოძრაობის" წევრები დაუპირისპირდნენ. მსგავსი ინციდენტი არაერთხელ მომხდარა ოზურგეთის, ზუგდიდის, ბორჯომის, თელავისა და სხვა მუნიციპალიტეტების საკრებულოებშიც.

მიგვაჩნია, რომ დეპუტატების ძალადობრივი ქმედებები საფრთხეს უქმნის საარჩევნო პროცესების მშვიდ და სტაბილურ ვითარებაში წარმართვას, სერიოზულ ზიანს აყენებს წარმომადგენლობითი ორგანოს რეპუტაციას და ადგილობრივი თვითმმართველობის ინსტიტუტებს.

მომავალში მსგავსი ინციდენტების თავიდან აცილების მიზნით, მოვუწოდებთ საგამოძიებო ორგანოებს უზრუნველყონ გამოძიების ეფექტურად წარმართვა და ძალადობაში მონაწილე პირების დასჯა საქართველოს კანონმდებლობის მოთხოვნის შესაბამისად. ამასთან, მივმართავთ თავისუფალი და სამართლიანი არჩევნებისთვის უწყებათაშორის კომისიას შეიმუშაოს შესაბამისი რეკომენდაცია, ხოლო მმართველ პარტიას, პოლიტიკურ სუბიექტებს, საპრეზიდენტო კანდიდატებსა და მათ მხარდამჭერებს, მაქსიმალური ძალისხმევა მიმართონ წინასაარჩევნო აქტივობების მშვიდ და სტაბილურ ვითარებაში განხორციელებისკენ და არ დაუშვან ძალადობრივი ქმედებების წახალისება.

ამასთან, მნიშვნელოვანია ქუთაისის მუნიციპალიტეტის საკრებულოს დეპუტატებმა გაიაზრონ საკუთარი როლი და თანამდებობრივი მდგომარეობა წარმომადგენლობითი ორგანოს საქმიანობის მნიშვნელობიდან გამომდინარე და მიიღონ ეფექტური ზომები მომავალში მსგავსი ძალადობრივი ქმედებების პრევენციისთვის. ამ კუთხით, საჭიროა საკრებულომ შეიმუშაოს საკრებულოს წევრთა ეთიკის კოდექსი, რომელიც განსაზღვრავს საკრებულოს წევრის ქცევის სტანდარტებს კოლეგებთან, მედიასთან, სხვა ინსტიტუტებთან და საზოგადოებასთან ურთიერთობისას, და ასევე შეიმუშავოს ამ კოდექსის შესრულების უზრუნველყოფის ეფექტური მექანიზმები."- წერია განცხადებაში, რომელსაც ხელს საერთაშორისო გამჭვირვალობა-საქართველო, სამართლიანი არჩევნებისა და დემოკრატიის საერთაშორისო საზოგადოება, საქართველოს რეფორმების ასოციაცია , საფარი, საქართველოს გაეროს ასოციაცია და  საქართველოს დემოკრატიული ინიციატივა გმობენ. 

შეგახენებთ, "ქართული ოცნების" წევრებსა და "ნაციონალური მოძრაობის" დეპუტატს შორის დაპირისპირება გიშინ მოხდა.შინაგან საქმეთა სამინისტროს ინფორმაციით, გამოძიება დაწყებულია სისხლის სამართლის კოდექსის 126-ე მუხლით, რაც ძალადობას გულისხმობს.
FaceBook Twitter Google
ამავე კატეგორიაში
ქუთაისის მერის მრჩეველთა საბჭომ მოქალაქეთა თავისუფალი ინიციატივების
15:50 / 14.10.2019
ქუთაისის მერის მრჩეველთა საბჭომ მოქალაქეთა თავისუფალი ინიციატივების
მიმდინარე წლის 8 თვის მონაცემებით, ქუთაისში, პარლამენტის უფუნქციო
შენობის
11:06 / 11.10.2019
მიმდინარე წლის 8 თვის მონაცემებით, ქუთაისში, პარლამენტის უფუნქციო შენობის
ვალუტა
EUR
EUR
3.0701
TRY
TRY
0.5084
USD
USD
2.6940
«« ოქტომბერი  »»
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
ამინდი
თბილისი 9 - 23 °C
img
ქუთაისი 12 - 28 °C
img
ბათუმი 16 - 23 °C
img
პოპულარული - ბოლო 30 დღის
ქუთაისში, ,,ავანგარდის დასახლებაში", სკვერი მოეწყობა
ქუთაისში ე.წ. ,,ავანგარდის დასახლებაში" სკვერი მოეწყობა. ქუთაისის მერიამ ტენდერი უკვე გამოაცხადა.
16:45 / 10.10.2019
ბაღდათში, 5 ოქტომბერს დაგეგმილი ღვინის არტ-ფესტივალის პროგრამა ცნობილია
ბაღდათში, 5 ოქტომბერს დაგეგმილი ღვინის არტ-ფესტივალის პროგრამა ცნობილია.
17:11 / 02.10.2019
სამტრედიის N1 საჯარო სკოლის პედაგოგი ფრანგული ენის საუკეთესო მასწავლებლად დასახელდა
მასწავლებელთა პროფესიული განვითარების ეროვნულმა ცენტრმა 2019 წლის საუკეთესო მასწავლებლები გამოავლინა.
10:47 / 27.09.2019
ქუთაისში, ლეონიძის ქუჩაზე არსებულ სკვერს რეაბილიტაცია ჩაუტარდება
ქუთაისში, ლეონიძის ქუჩაზე არსებულ სკვერს რეაბილიტაცია ჩაუტარდება.
18:19 / 17.09.2019
15 წლის ქუთაისელი მოსწავლის "ნასაში" მიღებული გამოცდილება
ქართულ-ამერიკული საერთაშორისო სკოლა "პროგრესის" 15 წლის
16:44 / 27.09.2019