პოლიტიკა
"ქართული ოცნება" არის ჭუჭყი, რომელიც საქართველომ უნდა ჩამოირეცხოს"-აქცია ქუთაისში
"ნუ ასარდაფებ", "არა კრიმინალურ რეჟიმს", "არ დავუშვებთ მხედრიონის დაბრუნებას"- აღნიშნული სლოგანების ფონზე ქუთაისში აქცია გაიმართა. აქციის მონაწილეები სამაუწყებლო კომპანია "რუსთავი-2"-ის მიერ გავრცელებულ ფარულ ჩანაწერებს გამოეხმაურნენ და ხელისუფლებას გადადგომისაკენ მოუწოდეს. ქუთაისის სამხარეო ადმინისტრაციასთან შეკრებილებმა განაცხადეს, რომ საზოგადოებამ კრიმინალურ რეჟიმს არა უნდა უთხრას.

მოძრაობა "ძალა ერთობაშია"-ს წევრი გია უკლება აცხადებს, რომ "ქართული ოცნება" არის ჭუჭყი, რომელიც საქართველომ 28 ოქტომბერს უნდა ჩამოირეცხოს.

"ბიძინა ივანიშვილი და "ქართული ოცნება" არის ჭუჭყი, რომელიც საქართველომ უნდა ჩამოირეცხოს. ეს არის ნეპოტიზმის, ადამიანების სარდაფებში წამების, კორუფციის ჭუჭყი,"-ამბობს გია უკლება.

ქუთაისის ყოფილი მერი და "ძალა ერთობაშია"-ს წევრი გია თევდორაძე მიიჩნევს, რომ თუ ქვეყნის უკუსვლის შესახებ საზოგადოებაში მხოლოდ ეჭვი არსებობდა, ჩანაწერების გასაჯაროვებამ აღნიშნული დაადასტურა.

"დადასტურდა, რომ დღეს ქვეყანა სარდაფით იმართება. თუ დღეს საკადრის პასუხს არ გავცემთ ხელისუფლებას, ჩვენს შვილებს უმომავლობისთვის გავწირავთ,"-განაცხადა გია თევდორაძემ.

"ძალა ერთობაშია"-ს წევრის გიგა შუშანიას თქმით, ხელისუფლებას კრიმინალების ბანდა მართავს, რომლებიც კორუფციაში არიან ჩაფლული.

"საქართველოს დღეს კრიმინალების ბანდა მართავს. ქართველი ხალხის ხარჯზე ისინი სასახლეებს იშენებენ. აღმოჩნდა, რომ თითოეულ გავლენიან პირს ხელისუფლებაში ჰყავს საკუთარი შეიარაღებული დაჯგუფება,"-აცხადებს გიგა შუშანია.

"რუსთავი 2-მა" აუდიოჩანაწერი გაასაჯაროვა, სადაც ხორავას ქუჩაზე მოკლული მოზარდების საქმეზე დანაშაულის შეუტყობინებლობის ბრალდებით დაკავებული მირზა სუბელიანი მასთან საკანში მისულ "ქართული ოცნების" დეპუტატს მესტიიდან, ვიქტორ ჯაფარიძეს და ლტოლვილთა სამინისტროს ყოფილ მაღალჩინოსან, გენერალური ინსპექციის ყოფილი თანამშრომელს დათო ცუხიშვილს ესაუბრება.

ჩანაწერებიდან მრავალ კანონდარღვევას ეხდება ფარდა, მათ შორის ადამიანების გატაცების, წამების და არაფორმირებული შეიარაღებული ფორმირებების შესახებ.  

გლდანის #8 სასჯელაღსრულების დაწესებულებაშია გაკეთებული ჩანაწერების მიხედვით, სავარაუდოდ მირზა სუბელიანი საუბრობს, რომ ის საკუთარი ნებით ჩაჯდა ციხეში და გაურიგდა ხელისუფლებას, მაგრამ სუბელიანი უკმაყოფილებას გამოთქვამს მმართველი გუნდის დამოკიდებულებით და ამბობს, რომ ხელისუფლება ჯეროვნად ვერ აფასებს მის ერთგულებას.

აუდიოჩანაწერთან დაკავშირებით პროკურატურამ სისხლის სამართლის საქმე პირადი ცხოვრების საიდუმლოს უკანონოდ მოპოვებისა და შენახვის, იძულების, პატიმრობაში მყოფი პირის კერძო საუბრის უნებართვო ჩაწერის, უკანონოდ შენახვისა და ხელმისაწვდომობის უზრუნველყოფის და სამსახურებრივი უფლებამოსილების გადამეტების შესაძლო ფაქტებზე, სსკ 150-ე მუხლის პირველი, 157"-ე მუხლის პირველი, 158-ე მუხლის პირველი და მეორე ნაწილებითა და 333- ე მუხლის პირველი ნაწილით აღძრა. საუბრის ნამდვილობა უკვე დაადასტურა დეპუტატმა ვიქტორ ჯაფარიძემ.


FaceBook Twitter Google
ამავე კატეგორიაში
საპრეზიდენტო არჩევნების მეორე ტური 28 ნოემბერს გაიმართება.
21:17 / 14.11.2018

საპრეზიდენტო არჩევნების მეორე ტური 28 ნოემბერს გაიმართება.

გავრცელებული ინფორმაციით,
19:26 / 14.11.2018
გავრცელებული ინფორმაციით, "ევროპული საქართველოს"
ახალი ამბები
საპრეზიდენტო არჩევნების მეორე ტური 28 ნოემბერს გაიმართება
21:17 / 14.11.2018

საპრეზიდენტო არჩევნების მეორე ტური 28 ნოემბერს გაიმართება.

წყალტუბოში "ქართული ოცნების" საარჩევნო შტაბს ცოტნე ზურაბიანი უხელმძღვანელებს
19:36 / 14.11.2018
"გადავდივართ პროაქტიულ მუშაობაზე."- ამის შესახებ
არჩევნების მეორე ტურის თარიღი კვლავ უცნობია- ცესკოში ჩანიშნული სხდომა გადაიდო
13:32 / 14.11.2018
ცესკოში დღეს, 13:00 საათზე ჩანიშნული სხდომა გადაიდო,
"არჩევნების მეორე ტურის თარიღად არასამუშაო დღე უნდა განისაზღვროს"
12:08 / 14.11.2018
სამი საერთაშორისო არასამთავრობო ორგანიზაცია ცესკოს არჩევნების მეორე ტურის არასამუშაო
ცესკო დღეს არჩევნების მეორე ტურის თარიღის შესახებ იმსჯელებს
11:55 / 14.11.2018
ცესკო დღეს, 13:00 საათზე საქართველოს პრეზიდენტის 2018 წლის 28 ოქტომბრის
"ძალა ერთობაშია"  "ქართულ ოცნებას" თაღლითობაში ადანაშაულებს
10:53 / 14.11.2018
გაერთიანებული ოპოზიცია "ძალა ერთობაშია" 
ვალუტა
EUR
EUR
3.0517
TRY
TRY
0.4929
USD
USD
2.7155
«« ნოემბერი  »»
293031 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 12
ამინდი
თბილისი 3 - 7 °C
img
ქუთაისი 7 - 15 °C
img
ბათუმი 10 - 13 °C
img