ოპოზიციური გაერთიანება “ძალა ერთობაშიას”
საპრეზიდენტო კანდიდატი ამომრჩეველს ქუთაისში, სპორტის სასახლეში შეხვდა. შეხვედრაზე ოპოზიციური გაერთიანების ლიდერები იმყოფებოდნენ. ასევე ქუთაისში ჩამოვიდა მსოფლიო ბანი პაატა ბურჭულაძე.
შეხვედრა ქუთაისის ყოფილმა მერმა გია თევდორაძემ გახსნა. “ჩვენ სახელმწიფო აღარ გვაქვს. მოშლილია ყველა სახელმწიფო ინსტიტური” – განაცხადა თევდორაძემ და ამით ფარული ჩანაწერების საკითხს გამოეხმაურა. მან ამომრჩევლებს მხარდაჭერისკენ მოუწოდა.
“ძალა ერთობაშიას” მხარდამჭერებს მიმართა პაატა ბურჭულაძემ.
“ხელისუფლება ებრძვის სიკეთეს, შვილმოკლულ მამებს, ფონდ “იავნანას”. დარწმუნებული ვარ რა ზარალიც მიადგა “იავნანას” პირადად ივანიშვილის გადასახდელი იქნება. – განაცხადა პაატა ბურჭულაძემ.
საპრეზიდენტო კანდიდატმა თავის გამოსვლაში ყურადღება პარლამენტის ადგილმდებარეობას, ფარული ჩანაწერების საკითხს დაუთმო. “თუ მოასწრეს პარლამენტის წაღება უკან დავაბრუნებინებეთ” – განაცხადა გრიგოლ ვაშაძემ.შეხვედრის დასრულების შემდეგ კი მედიასთან კომენტარი გააკეთა და მთავარ მესიჯებზე ისაუბრა.
“მთავარი მესიჯები აქამდე იყო ჯანდაცვაზე, თავდაცვაზე, განათლებაზე, საგარეო ურთიერთობებზე ჩვენს მდგომარეობებზე და გამოსასწორებელ პრობლემებზე, მაგრამ რაზეც უნდა ვილაპარაკოტ ეს არის საქართველოს სახელმწიფოს გადარჩენა, რომლის წინაშეც შეთქმულებაც აღმოვაჩინეთ რუსთავი2-ის ეთერით. საქართველოდან გასულია კონსტიტუცია, კანონმდებლობა, გადავიქეცით გეოგრაფიულ ტერიტორიად, რომელსაც არაკანონიერი დაჯგუფებები მართავენ. ეს არის მთავარი მესიჯები”,- განაცხადა ვაშაძემ.
შეგახსენებთ, რომ პრეზიდენტის არჩევნები 28 ოქტომბერს გაიმართება და ეს არის ბოლო საპრეზიდენტო არჩევნები, როდესაც პრეზიდენტს 6 წლით მოსახლეობა აირჩევს. 2024 წლიდან კი გადაწყვეტილებას პარლამენტი მიიღებს.