"ამომრჩეველთა პირადობის მოწმობებზე ნადირობამ მასიური ხასიათი მიიღო"
გაერთიანებული ოპოზიცია "ძალა ერთობაშია" "ქართულ ოცნებას" ქუთაისში ამომრჩეველთა დაშინებაში ადანაშაულებს. გაერთიანებული ოპოზიციის წარმომადგენელი გიგა შუშანია აცხადებს, რომ მმართველი გუნდის აქტივისტები კარდაკარ გრიგოლ ვაშაძის სახელით დადიან და ამომრჩევლებს  პირადობის მოწმობებს სთხოვენ. როგორც შუშანია განმარტავს, გრიგოლ ვაშაძის მხარდაჭერების იდენტიფიცირების შემდეგ, მათზე ზეწოლას ახდენენ. 

ოპოზიციონერი დეპუტატი კონკრეტულ სახელსა და გვარებსაც ასახელებს. ერთ-ერთი მათგანი მალხაზ აბაშიძეა, რომელიც, შუშანიას ინფორმაციით, ერთ–ერთი ა(ა)იპის თანამშრომელი, გიორგის ჭიაღვარიასთან და საკრებულოს წევრებთან დაახლოებული პირია. ასევე, ბუხაიძის ქუჩა #18 და #20 ბინებში გრიგოლ ვაშაძის სახელით ამომრჩევლის პირად მონაცემებს აგროვებდა ხატია ელიავა, რომელიც "ქართული ოცნების" გამარჯვების შტაბის წარმომადგენელია. ოპოზიციონერი დეპუტატის განცხადებით, ქუთაისის მე-7 საჯარო სკოლის ერთ-ერთი კლასის დამრიგებელი, ლალი გახოკიძე კი ზეწოლად მოსწავლეების მშობლებზე ახორციელებს. გახოკიძე მათ სატელეფონო საუბრებში სალომე ზურაბიშვილის მხარდაჭერას სთხოვს.

"ამომრჩეველთა პირადობის მოწმობებზე ნადირობამ მასიური ხასიათი მიიღო. "ქართული ოცნების" წარმომადგენლები დადიან კარდაკარ, თავს ასაღებენ გრიგოლ ვაშაძის წარმომადგენლებად, ინიშნავენ ჩვენს მხარდაჭერებს და სთხოვენ მათ პირადობის მოწმობებს. ამ პროცესს ხელმძღვანელობენ უშუალოდ ქუთაისის მერის წარმომადგენლები ტერიტორიულ ორგანოებში. ამომრჩევლის იდენტიფიცირების შემდეგ, უკვე "ქართული ოცნების" მაღალი რანგის წარმომადგენლების მიერ მიმდინარეობს ამომრჩეველზე ზეწოლა, პირადობის მოწმობის ჩამორთმევა. განსაკუთრებულ შემთხვევებში პირადად ქუთაისის მერი ერთვება ამ ტიპის კომუნიკაციებში. ასევე საჯარო მოხელეებს ავალებენ სალომე ზურაბიშვილის მხარდამჭერთა სიების და პირადობის მოწმობის მონაცემების მოტანას. არ შესრულების შემთხვევაში კი სამსახურიდან გაშვებით ემუქრება პირადად ქუთაისის მერი. ხშირ შემთხვევებში საკუთარი უსაფრთხოებიდან გამომდინარე ამომრჩევლები ერიდებიან საჯარო საუბარს, თუმცა, ჩვენს მიერ მოხდა რამდენიმე ადამიანის იდენტიფიცირება,"-განაცხადა გიგა შუშანიამ.

"ძალა ერთობაშია" ზეწოლის ფაქტებზე ინფორმაციის მიწოდებას სამართალდამცავი ორგანოებისათვის არ აპირებს, რადგან თვლიან, რომ საქმეში შსს და სუსიც ჩართულია. როგორც გაერთიანებულ ოპოზიციაში აცხადებენ, მათ მიერ მოპოვებული ფაქტები და მასალა საერთაშორისო და ადგილობრივ სადამკვირვებლო ორგანიზაციებს გადაეგზავნება.
FaceBook Twitter Google
ამავე კატეგორიაში
ქუთაისის ახალგაზრდა
,,ლეიბორისტები'' ,,მილენიუმის'' სკვერში არსებულ გაუმართავ
ინფრასტრუქტურას აპროტესტებენ.
17:15 / 17.09.2020

ქუთაისის ახალგაზრდა ,,ლეიბორისტები'' ,,მილენიუმის'' სკვერში არსებულ გაუმართავ ინფრასტრუქტურას აპროტესტებენ.

,, გააჩერეთ საათები, ისინი მე წუთებს მითვლიან’’
17:11 / 16.09.2020

,, გააჩერეთ საათები, ისინი მე წუთებს მითვლიან’’

Aliexpress WW
გამოიწერეთ სიახლეები

თქვენი ელ.ფოსტა:

ამინდი
თბილისი 14 - 25 °C
img
ქუთაისი 14 - 26 °C
img
ბათუმი 18 - 24 °C
img
სოხუმი 14 - 24 °C
img
ფოთი 17 - 24 °C
img
თელავი 14 - 23 °C
img
მესტია 4 - 17 °C
img
ზუგდიდი 12 - 26 °C
img
ბორჯომი 8 - 22 °C
img
პოპულარული - ბოლო 30 დღის
"თავისუფალი საქართველო" ქუთაისის მერობის კანდიდატად გაგა გოგრიჭიანს წარადგენს
პარტია "თავისუფალი საქართველო" ქუთაისის მერობის კანდიდატად
14:32 / 25.08.2020
ქუთაისის საერთაშორისო უნივერსიტეტი რამდენიმე მიმართულებით ვაკანსიებს აცხადებს
ქუთაისის საერთაშორისო უნივერსიტეტი ვაკანსიებს აცხადებს. უნივერსიტეტი კადრების
11:29 / 25.08.2020
პოლიტიკის სიახლეები
,,სკვერში დაზიანებულია სკამები, გაჩერებულია საათი, ასევე გახეთქილია მილი''-გაგი ახალაძე
17:15 / 17.09.2020

ქუთაისის ახალგაზრდა ,,ლეიბორისტები'' ,,მილენიუმის'' სკვერში არსებულ გაუმართავ ინფრასტრუქტურას აპროტესტებენ.