პოლიტიკა
TI:"პარკინგსერვისის" არსებობის ერთადერთი მიზანი 41 თანამშრომლის დასაქმებაა

შპს "პარკინგსერვისი" ქუთაისის მერიის წინაშე აღებულ ვალდებულებებს კვლავ არ ასრულებს.

კვლევას "საერთაშორისო გამჭვირვალობა საქართველო" აქვეყნებს. კვლევის მიხედვით, 2016 წლის იანვრიდან დღემდე "პარკინგსერვისს" იჯარის სახით მერიის ბიუჯეტში ჯამში 1 390 245 უნდა გადაეხადა, თუმცა, 2018 წლის 1 ოქტომბრის მდგომარეობით, მხოლოდ 149 999 ლარია გადახდილი. ორგანიზაციაში აცხადებენ, რომ მერია საიჯარო თანხის გადაუხდელობაზე არ რეაგირებს და არც კომპანიის მართვის ან ხელშეკრულების პირობების ცვლილებას აპირებს.

პარკირების წესის დარღვევისთვის დაკისრებული ჯარიმები მუნიციპალიტეტის ანგარიშზე ირიცხება. ჯარიმების ოდენობამ 2016 წელს 166 762 ლარი, 2017 წელს 301 600 ლარი, ხოლო 2018 წლის სექტემბრის ჩათვლით 207 352 ლარი შეადგინა.

"ამ ყველაფრის შეჯამების შედეგად, სავალალო სურათს ვიღებთ: შპს "პარკინგსერვისი" პარკინგის პრობლემას ვერ აგვარებს, თუმცა ქუთაისში მანქანებით მოსარგებლეებს ჯარიმის სახით წელიწადში საშუალოდ 200 000 ლარის გადახდა უწევთ, ხოლო, პროცესის ადმინისტრირებაზე წელიწადში დაახლოებით 370 000 ლარი იხარჯება. გამოდის, რომ კომპანიას 1 ლარის ჯარიმის მობილიზება საშუალოდ 1,7 ლარი უჯდება. ამას თუ დავუმატებთ იმ ფაქტს, რომ მერია ხელშეკრულებით განსაზღვრული სანქციების გამოყენებისგან თავს იკავებს და 2015 წელს შპს-ს სუბსიდირებაც კი განახორციელა, გამოდის, რომ სახეზეა მართვის სერიოზული პრობლემა, რომლის შედეგადაც ბიუჯეტმა 3 წლის განმავლობაში 1 240 246 ლარი ვერ მიიღო და დამატებითი ხარჯიც კი გასწია. ეს ყველაფერი, შესაძლოა, არა მხოლოდ სამსახურებრივი გულგრილობის, არამედ უფრო მძიმე დანაშაულის ნიშნებსაც შეიცავდეს.

შეიძლება დავასკვნათ, რომ კომპანია "პარკინგსერვისის" არსებობის ერთადერთი მიზანი მასში 41 თანამშრომლის დასაქმებაა, რაც ქუთაისის გადასახადის გადამხდელებს 3 წლის განმავლობაში პირდაპირი ხარჯის სახით 2 მლნ-ზე მეტი დაუჯდათ.

შედეგად, გაუგებარია, ასეთ პირობებში რატომ არსებობს შპს "პარკინგსერვისი" და რატომ არ რეაგირებს მერია კომპანიასთან დაკავშირებით არსებულ პრობლემებზე,"-ნათქვამია კვლევაში.

"საერთაშორისო გამჭვირვალობა საქართველო" აუდიტის სამსახურს "პარკინგსერვისის" სამსახურის საქმიანობის შესწავლისაკენ მოუწოდებს.

შპს "პარკინგსერვისი" საქმიანობას 2016 წლის 25 იანვრიდან შეუდგა და 2018 წლის ოქტომბრის მდგომარეობით შპს-ში 41 ადამიანია დასაქმებული. 


 

FaceBook Twitter Google
ამავე კატეგორიაში
,,თავიდანვე ,,ევროპული საქართველოს
15:41 / 15.11.2019
,,თავიდანვე ,,ევროპული საქართველოს" პოზიცია იყო, რომ არ გვჯეროდა იმის,
,,ეს იყო საუკუნის თაღლითი ივანიშვილის მორიგი გადაგდება.
15:23 / 15.11.2019
,,ეს იყო საუკუნის თაღლითი ივანიშვილის მორიგი გადაგდება." - ასე გამოეხმაურა ქუთაისის
,,ეს იყო საუკუნის თაღლითი ივანიშვილის მორიგი გადაგდება.
15:23 / 15.11.2019
,,ეს იყო საუკუნის თაღლითი ივანიშვილის მორიგი გადაგდება." - ასე გამოეხმაურა ქუთაისის
19:25 / 14.11.2019
"ამ ტყუილს ხელისუფლებას არ ვაპატიებთ"- ამ ლოზუნგით
საარჩევნო სისტემის ცვლილებასთან დაკავშირებული კანონპროექტის
ჩავარდნას
17:25 / 14.11.2019
საარჩევნო სისტემის ცვლილებასთან დაკავშირებული კანონპროექტის ჩავარდნას
«« ნოემბერი  »»
28293031 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1
ამინდი
თბილისი -1 - 9 °C
img
ქუთაისი 8 - 18 °C
img
ბათუმი 10 - 17 °C
img
პოპულარული - ბოლო 30 დღის
"მუხრანობა 2019" მუხრან მაჭავარიანის 90 წლის იუბილეს მიეძღვნება
საჩხერეში სახალხო დღესასწაულს "მუხრანობა 2019"-ს 2 ნოემბერს აღნიშნავენ.
15:42 / 22.10.2019
,,ქუთაისში ჩვენ გვაქვს არგონავტიკის ეპოქის არტეფაქტები" - როლანდ ისაკაძე
აკაკი წერეთლის სახელმწიფო უნივერსიტეტის ასოცირებული პროფესორი როლანდ
13:00 / 04.11.2019
ზეკარის ხეობის 5 ხიდს კულტურული მემკვიდრეობის ძეგლის სტატუსი მიენიჭა
ზეაკრის ხეობაში 5 ხიდი კულტურული მემკვიდრეობის სტატუსის მატარებელია.
12:39 / 28.10.2019
მსოფლიო საოპერო ვარსკვლავები, რომლებიც ქუთაისში 9 ნოემბერს იმღერებენ
ქუთაისს, 9 ნოემბერს, საქველმოქმედო კონცერტის ფარგლებში, მსოფლიო
12:30 / 30.10.2019
წყალტუბოს მერიამ და ბავშვთა ინკლუზიურმა ცენტრმა 4 ქვეყნის დელეგაციას უმასპინძლა
წყალტუბოს მერიამ და ბავშვთა ინკლუზიურმა ცენტრმა 4 ქვეყნის დელეგაციას უმასპინძლა.
16:59 / 30.10.2019