"ოპოზიციის წევრებს, ჩემს კოლეგებს მინდა შევახსენო, რომ მერის უფლებამოსილებას, მათ შორის საქმიანობის შეჩერება, რეგულირდება თვითმმართველობის კოდექსით." - ასე ეხმაურება ოპოზიციის მოთხოვნას ქუთაისის მერის გადადგომის შესახებ, საკრებულოს თავმჯდომარის მოადგილე ირაკლი შენგელია.მისი თქმით, მათ მოსახლეობა შეცდომაში შეჰყავთ და მერის მიზანმიმართულ დისკრედიტაციას ახდენენ.

" იმპიჩმენტის გამოცხადება ბრიფინგით, ყოველგვარი არგუმენტის გარეშე, არ ხდება. ერთია აკრიტიკებდე განხორციელებულ საქმიანობას, პროექტებს და მეორე აკეთებდე ხმაურიან განცხადებებს, რომელსაც მოსახლეობის შეცდომაში შეყვანა შეუძლია. ამ ყველაფერს აქვს ერთადერთი მიზანი - გიორგი ჭიღვარიას მიზანმიმართული დისკრედიტაცია. ცუდია, ვერ ვხვდებით, მერის ამგვარი შეურაცხყოფით ღირსებას ვულახავთ ჩვენს ქალაქს. ქუთაისის წინაშე მდგომ გამოწვევებს სჭირდება პოზიცია - ოპოზიციის ერთობლივი მუშაობა. ოპოზიციის პასუხისმგებლობაც არის ის პროექტები, რომელთან დაკაშირებითაც ბრიფინგებს მართავენ. ჩვენი ქალაქის მერს ვუსურვებ ნაყოფიერ წლებს, მის მიერ საკრებულოსა და მოსახლეობის წინაშე აღებული ანგარიშვალდებულების ვადების ფანრგელბში შესრულებას."- განაცხადა ირაკლი შენგელიამ.

შეგახსნებთ, "ძალა ერთობაშიას", "ევროპული საქართველოსა" და "ლეიბორისტული პარტიის" ქუთაისის ორგანიზაციის ხელმძღვანელებმა დღეს მერს განცხადების დაწერისა და უფლებამოსილებაზე უარის თქმისაკენ მოუწოდეს.