პოლიტიკა
"ბიზნესი ითხოვს, რომ გავაკეთოთ მაქსიმუმი, რომ რუსი ტურისტიც არ წავიდეს ქვეყნიდან"
ქუთაისის ტურიზმის ცენტრში ეკონომიკის მინისტრი ნათია თურნავა ადგილობრივი მცირე ბიზნესის წარმომადგენლებს შეხვდა. ეკონომიკის მინისტრი დაინტერესდა, რუსეთიდან ფრენების აკრძალვამ გამოიწვია თუ არა ქუთაისში ტურისტთა ნაკადის შემცირება და სასტუმროებში ჯავშნების გაუქმება. 

"ფრენების გაუქმების შემდეგ, აჭარა დიდი დარტყმის ქვეშ დადგა. 50%-ზე მეტი ჯავშანი გაუქმდა. კახეთში შემოდგომისკენ ველოდებით მდგომარეობის გაუარესებას, მაინტერესებს, რა ხდება ქუთაისში,"-განაცხადა თურნავამ ადგილობრივი მცირე სასტუმროების მფლობელებთან შეხვედრისას.

შეხვედრაზე მისულმა ბიზნესის სფეროს წარმომადგენლებმა განაცხადეს, რომ რუსეთიდან ჯავშნების დიდი ნაწილი გაუქ​მდა, რამაც მათ საქმიანობაზე უარყოფითი გავლენა მოახდინა.

ჟურნალისტებთან საუბრისას ეკონომიკის მინისტრმა მცირე ბიზნესის წარმომადგენლებთან გამართული შეხვედრები შეაჯამა და განმარტა, რომ ამ სფეროს წარმომადგენლებს ძირითადად სამი მოთხოვნა აქვთ.

"ამ დღეებში გამოწვევის წინაშე დავდექით. ერთი მილიონი ტურისტის მოლოდინი გვქონდა რუსეთიდან. ასევე, კითხვის ნიშნის ქვეშ დადგა საქართველოს, როგორც უსაფრთხო ქვეყნის იმიჯი. არის მოთხოვნები, რომ იყოს სტაბილიზაცია და მშვიდობა. მივაწოდოთ ხმა მსოფლიოს, რომ საქართველო არის და იქნება უსაფრთხო ქვეყანა. მეორე არის ფინანსური პრობლემები და  ბანკის სესხები. მესამე, ბიზნესი ითხოვს, რომ გავაკეთოთ მაქსიმუმი, რომ რუსი ტურისტიც არ წავიდეს ქვეყნიდან და შევინარჩუნოთ ჩვენს ბაზარზე. ეს სამი რამ არის დავალება, რომლებიც მივიღეთ მოქალაქეებისაგან,"-განაცხადა თურნავამ.



FaceBook Twitter Google
ამავე კატეგორიაში
ამინდი
თბილისი -1 - 9 °C
img
ქუთაისი -1 - 8 °C
img
ბათუმი 4 - 11 °C
img
პოპულარული - ბოლო 30 დღის
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო. ქუთაისის
16:26 / 21.01.2020
ქუთაისის საბავშვო ბაღებში სასწავლო პროცესი 20 იანვარს განახლდება 
ქუთაისის საბავშვო ბაღებში სასწავლო პროცესის განახლება 20 იანვარს იგეგმება.
15:08 / 15.01.2020
,,დათვის ტბა" , ,,ბოგა" - ხონში ტურისტებისთვის დამატებითი სანახაობების შეთავაზებაზე მუშაობენ
ხონში ტურისტებისათვის ახალი ადგილების შეთავაზებაზე მუშაობენ. ხონის მუნიციპალიტეტის მერი,
18:18 / 10.01.2020