პოლიტიკა
იმერეთში სახელმწიფო ბიუჯეტით 2020 წელს დასაფინანსებელ პროგრამებზე იმსჯელეს
იმერეთში სახელმწიფო რწმუნებულის ადმინისტრაციაში შეხვედრა გაიმართა, რომელსაც იმერეთში სახელმწიფო რწმუნებულის მოვალეობის შემსრულებელი ზვიად შალამბერიძე, მოადგილე ბესიკ გოფოძე, მუნიციპალიტეტების მერები, საკრებულოების თავმჯდომარეები და რეგიონის მაჟორიტარი დეპუტატები ესწრებოდნენ.  შეხვედრაზე სახელმწიფო ბიუჯეტით 2020 წელს დასაფინანსებელ პროგრამებზე იმსჯელეს.

რეგიონული განვითარებისა და ინფრასტრუქტურის მინისტრის მოადგილემ ილია ბეგიაშვილმა დეტალურად ისაუბრა სამოქმედო გეგმაზე, პროექტების დაფინანსებასა და რა მასშტაბური სამუშაოების განხორციელება იგეგმება იმერეთის რეგიონში.

შეხვედრაზე ყურადღება გამახვილდა საგზაო ინფრასტრუქტურის მოწესრიგებაზე, სოფლის პროგრამების მხარდაჭერაზე, ამბულატორიებისა და სასწრაფო სამედიცინო დახმარების მშენებლობა-რეაბილიტაციაზე, სკოლებისა და სკოლამდელი დაწესებულებების მოწესრიგებაზე, წყალმომარაგების სისტემის გაუმჯობესებასა და კიდევ სხვა ინფრასტრუქტურული მიმართულებების დაფინანსებაზე.

დღესვე, სახელმწიფო რწმუნებულის ადმინისტრაციაში საკონსულტაციო საბჭოს სხდომაც გაიმართა. სხდომაზე 2018-2020 წლების ინფრასტრუქტურული პროექტების სამოქმედო გეგმაში შესატან ცვლილებებზე იმსჯელეს. უმრავლესობის გადაწყვეტილებით სამტრედიის, თერჯოლის, ბაღდათის, საჩხერის, წყალტუბოსა და ხონის მუნიციპალიტეტების სამოქმედო გეგმაში ცვლილებები შევიდა.



FaceBook Twitter Google
ამავე კატეგორიაში
ამინდი
თბილისი -1 - 9 °C
img
ქუთაისი -1 - 8 °C
img
ბათუმი 4 - 11 °C
img
პოპულარული - ბოლო 30 დღის
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო. ქუთაისის
16:26 / 21.01.2020
ქუთაისის საბავშვო ბაღებში სასწავლო პროცესი 20 იანვარს განახლდება 
ქუთაისის საბავშვო ბაღებში სასწავლო პროცესის განახლება 20 იანვარს იგეგმება.
15:08 / 15.01.2020
,,დათვის ტბა" , ,,ბოგა" - ხონში ტურისტებისთვის დამატებითი სანახაობების შეთავაზებაზე მუშაობენ
ხონში ტურისტებისათვის ახალი ადგილების შეთავაზებაზე მუშაობენ. ხონის მუნიციპალიტეტის მერი,
18:18 / 10.01.2020