Google Chrome-ში სტრიმის მოსმენა შეზღუდულია.   გთხოვთ გამოიყენოთ სხვა ბროუზერი

პოლიტიკა
“პანდემიის ფონზე, როცა ადამიანებს ერთმანეთისგან მეტი გამხნევება და თანადგომა სჭირდებათ, გვირილობის ტრადიცია კიდევ უფრო დიდ მნიშვნელობას იძენს”
იმერეთში სახელმწიფო რწმუნებული ზვიად შალამბერიძე ქუთაისელებს ორმაისობის დღესასწაულს ულოცავს. მისალოც მიმართვაში შალამბერიძე ამბობს, რომ პანდემიის ფონზე, როცა ადამიანებს ერთმანეთისგან მეტი გამხნევება და თანადგომა სჭირდებათ, გვირილობის ტრადიცია კიდევ უფრო დიდ მნიშვნელობას იძენს.

"ქუთაისისთვის ორმაისობა ჭეშმარიტად სახალხო დღესასწაულია. მისი ისტორიით, მნიშვნელობით, შინაარსით და სანახაობების მრავალფეროვნებით. ადამიანებით, რომლებიც წლიდან წლამდე, ქალაქის ამ დიდ ზეიმს ერთმანეთის გულწრფელი სიყვარულით ელიან. ჩვენ წელს ამ დღის განსაკუთრებული მოლოდინი და სამზადისი გვქონდა. ტრადიციის პატივისცემით და ბევრი ახალი საქმით, ახალი სახეებით, საპატიო სტუმრებით და მასპინძლებით, ყველა თაობისთვის ერთნაირად საინტერესო და სასურველი. ორმაისობის ყველაზე კოლორიტული ნაწილი "გვირილობა" იდეაში სწორედ საზოგადოების მხარდაჭერის და ქველმოქმედების სურვილით გაჩნდა და მისი მიზანი ყველაზე კეთილშობილი იყო: ტუბერკულოზით დაავადებულთა დახმარება. ისტორია ყველა ქუთაისელმა იცის, საუკუნის წინ როგორ აგროვებდნენ ამ ქალაქის ულამაზესი ქალები გიმნაზისტ გოგონებთან ერთად შემოსაწირს და როგორ უმაგრებდნენ გვირილას მკერდზე იმ ადამიანებს, ვინც ჭლექით დაავადებულთათვის საერთო კალათაში სიმბოლურ თანხას დებდა. ორმაისობა სიკეთის დღეა. და მასთან ერთად, ერთგვარად, ადამიანების ჯანმრთელობის დაცვის დღეც. დღეს, პანდემიის ფონზე, როცა ადამიანებს ერთმანეთისგან მეტი გამხნევება და თანადგომა სჭირდებათ, გვირილობის ტრადიცია კიდევ უფრო დიდ მნიშვნელობას იძენს. დისტანციის და აუცილებელი იზოლაციის პირობებში, ბოლო ათწლეულის მანძილზე, პირველი ორმაისობა ჩაივლის იმერული კოლორიტის, ქართული ფოლკლორის და გასტრონომიის, გამოფენების, ყვავილების ბაზრობების, თეთრწინსაფრიანი გოგონების, ფაიტონის და თეატრალური მსვლელობების გარეშე. მაგრამ ყველა ქუთაისელი, რომელიც სამოქალაქო პასუხისმგებლობით იცავს მთავრობის და ეპიდემიოლოგების მოწოდებას, სწორედ სახლიდან მიულოცავს მის ქალაქს ყველაზე მშობლიურ დღესასწაულს. ზუსტად მაშინ, როცა ყველა ტაძრიდან, ტრადიციული ზარების რეკვით, ქუთაისის კურთხევაც აღევლინება. გილოცავთ და მჯერა, კიდევ ბევრ ორმაისობას ვიზეიმებთ ამ ისტორიულ ქალაქში ღირსეული ქუთაისელების პატივგებით და თქვენი განსაკუთრებული ნიჭიერებით,"-ნათქვამია ზვიად შალამბერიძის მიმართვაში.
FaceBook Twitter Google
ამავე კატეგორიაში
გასული სიმღერები
Aliexpress WW
გამოიწერეთ სიახლეები

თქვენი ელ.ფოსტა:

ამინდი
თბილისი 14 - 27 °C
img
ქუთაისი 12 - 24 °C
img
ბათუმი 14 - 19 °C
img
სოხუმი 12 - 21 °C
img
ფოთი 14 - 20 °C
img
თელავი 16 - 28 °C
img
მესტია 4 - 15 °C
img
ზუგდიდი 12 - 23 °C
img
ბორჯომი 8 - 21 °C
img
პოპულარული - ბოლო 30 დღის
ლედი მერკვილიშვილს გზა ვანიდან აშშ-მდე

ახალგაზრდებისთვის პროფესიის სწორად შერჩევას განსაკუთრებული მნიშვნელობა აქვს. როგორც წესი მომავალი

10:34 / 11.05.2020
უჩა მაჭარაშვილმა საჩხერეში ვაზის უძველესი ქართული ჯიშის აღდგენა დაიწყო
საჩხერეში, სოფელ მახათაურში უჩა მაჭარაშვილმა 2017 წელს ოჯახური ტრადიცია შემოსვალის წყაროდ აქცია.
18:49 / 05.05.2020
ქუთაისში გვირილობის აღსანიშნავად ტაძრებში საზეიმოდ ზარებს დარეკავენ 
ქუთაისში გვირილობის აღსანიშნავად ტაძრებში საზეიმოდ ზარებს დარეკავენ. ქუთათელ-გაენათელი
20:23 / 01.05.2020
პოლიტიკის სიახლეები
ცხრაჯვარის სალოცავთან მისასველი გზის რეაბილიტაციისათვის 2 მილიონ ლარზე მეტი გამოიყო
08:44 / 29.05.2020
ტყიბულის მუნიციპალიტეტში ცხრაჯვარის სალოცავთან მისასვლელი საავტომობილო გზის
მრავალშვილიანი ოჯახები და შშმ პირები 600 ლარიან დახმარებას მიიღებენ
14:39 / 28.05.2020
საქართველოს პრემიერ მინისტრის გიორგი გახარიას განცხადებით  ანტიკრიზისული გეგმის