მთავრობის სხდომაზე პრემიერის გიორგი გახარიას განცხადებით, პანდემიის გამო
მიზნობრივი სოციალური დახმარების მიმღებთა სია კიდევ ერთხელ გადაიხედება. მისივე განმარტებით, მოსახლეობას განსაკუთრებული აუცილებლობის შემთხვევაში მსგავსი ტიპის დახმარება კიდევ ერთხელ გაეწევა.
“ფინანსთა სამინისტროს უნდა განვუსაზღვროთ დავალებად, რომ კიდევ ერთხელ გადავხედოთ ჩვენი მოქალაქეების სიას, რომლებსაც ჩვენ სოციალური მიზნობრივი დახმარება გავუწიეთ და კიდევ ერთხელ ვნახოთ, მიზნობრიობის თვალსაზრისით რისი გაკეთება შეუძლია სახელმწიფოს იმისთვის, რომ ჩვენს მოქალაქეებს სოციალურად კიდევ ერთხელ დავეხმაროთ. მიუხედავად იმ შედარებით პოზიტიური ტენდენციისა, რომელსაც დღეს ქართული ეკონომიკა აჩვენებს, რა თქმა უნდა, პანდემიის შოკის ზემოქმედება ჩვენს ეკონომიკაზე, მინიმუმ წლის ბოლომდე გაგრძელდება. ამიტომ, ჩვენ შეძლებისდაგვარად კიდევ ერთხელ უნდა გადავამოწმოთ ყველა სოციალური ჯგუფი და სადაც განსაკუთრებული აუცილებლობა არსებობს, მოვიზიდოთ რესურსები იმისთვის, რომ ჩვენს მოქალაქეებს მივეხმაროთ,”-განაცხადა გიორგი გახარიამ.
პრემიერის განმარტებით, მიზნობრივი სოციალური დახმარება 721 ათას ადამიანს გაეწია.