საქართველოს პარლამენტში სამტრედიის, წყალტუბოს, ვანისა და ხონის
მაჟორიტარ კანდიდატად “ქართული ოცნება” გივი ჭიჭინაძეს ასახელებს. მაჟორიტარ კანდიდატად ჭიჭინაძე დღეს წარადგინეს.
“ბატონი გივი ყველასათვის საყვარელი და ძვირფასი პიროვნებაა. ის წლების განმავლობაში იყო იმერეთის წარმატებული გუბერნატორი, დღეს კი ის ჩვენი საპარლამენტო გუნდის ღირსეული წევრია,”-განაცხადა ირაკლი კობახიძემ ჭიჭინაძის წარდგენისას.
კოჯორში გამართულ ღონისძიებაზე მაჟორიტარი კანდიდატები “ოცნებამ” მთელი ქვეყნის მასშტაბით დაასახელა. შეხვედრაზე გამოჩნდა ბიძინა ივანიშვილი.