პარტია ,,თავისუფალი საქართველო’’ წყალტუბოსა და ცაგერის რაიონებში ნამოხვანჰესის მშენებლობას აპროტესტებს.
ამასთან დაკავშირებით პარტიის ხონის, სამტრედიის, ვანისა და წყალტუბოს მაჟორიტარობის კანდიდატი, გოგი წულაია და რაჭა-ლეჩხუმისა და ქვემო სვანეთის მაჟორიტარობის კანდიდატი, პაატა მაცაბერიძე ხელმოწერების შეგროვებას იწყებენ. მათი თქმით, ნამოხვანის ჰესების კასკადი საფრთხეს უქმნის როგორც რაჭა-ლეჩხუმს, ისე მთელ დასავლეთ საქართველოს. როგორც რაჭა-ლეჩხუმისა და ქვემო სვანეთის მაჟორიტარი დეპუტატობის კანდიდატი, პაატა მაცაბერიძე ამბობს, ნამოხვანჰესმა შესაძლოა დიდი ზიანი მიაყენოს კოლხეთი დაბლობს.
,,რაჭა-ლეჩხუმი სეისმურად აქტიური და მეწყერსაშიში რეგიონია. ვერავინ ვერ გვეტყვის, რომ მიწისძვრა არ მოხდება და ნამოხვანჰესი არ დაინგრევა. ნამოხვანჰესის დანგრევას კი დიდი ზარალი მოჰყვება. 20 წუთში ქუთაისს 34-მეტრიანი ტალღა დაარტყამს, რაც მთელ კოლხეთის დაბლობს გადარეცხავს. დაახლოებით, 30 მუნიციპალიტეტზეა საუბარი’’,-აღნიშნა პაატა მაცაბერიძემ.
,,გამოვიიდეთ საბჭოთა ცნობიერებიდან, დავანებოთ თავი ჰესების მშენებლობას. დავიწყოთ ალტერნატიული ენერგიის მოპოვება და მისი ხარჯვა ისე, როგორც ევროპაში ხარჯავენ. თუ ეს ენერგია არ გვეყო, ჰესები მერე ავაშენოთ,’’-ამბობს ხონის, სამტრედიის, წყალტუბოსა და ვანის მაჟორიტარობის კანდიდატი, გოგი წულაია.
მაჟორიტარობის კანდიდატები ხელმოწერების შეგროვებას 14 ოქტომბრიდან დაიწყებენ. პარტია ,,თავისუფალი საქართველო’’ ნამოხვანის ჰესის მშენებლობის წინააღმდეგ აქციებს აანონსებს.