საქართველოს სახალხო დამცველმა დემურ სტურუას თვითმკვლელობამდე მიყვანაში ბრალდებული მოინახულა.
ამის შესახებ ინფომრაციას სახალხო დამცველი აპარატი ავრცელებს. როგორც განცხადებაშია აღნიშნული, უჩა ნანუაშვილმა ბრალდებული გოდერძი თევზაძე გუშინ მოინახულა.
“2016 წლის 21 სექტემბერს საქართველოს სახალხო დამცველმა უჩა ნანუაშვილმა ქუთაისის N2 პენიტენციურ დაწესებულებაში დემურ სტურუას თვითმკვლელობამდე მიყვანის საქმეში ბრალდებული გოდერძი თევზაძე მონახულა.
სახალხო დამცველმა პირადად ბრალდებულისგან მოისმინა საქმის დეტალები. გოდერძი თევზაძე თავს დამნაშავედ არ სცნობს და შიმშილობას განაგრძობს. უჩა ნანუაშვილმა ბრალდებულს შიმშილობის შეწყვეტისკენ მოუწოდა.
საქართველოს სახალხო დამცველის აპარატი განაგრძობს გოდერძი თევზაძის საქმის შესწავლას და ამ საკითხთან დაკავშირებით სასამართლო პროცესებზე დასწრებასაც გეგმავს”, – აღნიშნულია განცხადებაში.