ქუთაისში “სკეიტ პარკის” მშენებლობა დაიწყება.
აღნიშნულის შესახებ მმართველი გუნდის წარმომადგენლებმა ქუთაისის საკრებულოს რიგით მე-4 სხდომაზე განაცხადეს.
“სკეიტ პარკის” მოწყობა მოსწავლე-ახალგაზრდობის პარკში იგეგმება.
პროექტი რეგიონალური განვითარების ფონდიდან გამოყოფილი თანხით დაფინასდება.
2018 წლის ბიუჯეტში სპორტულ-გამაჯანსაღებელი ობიექტების მოწყობა-რეაბილიტაციისათვის 850 000 ლარია გათვალისწინებული. როგორც უმრავლესობის წარმომადგენლებმა განმარტეს, “სკეიტ პარკის” მოწყობა აღნიშნული თანხის ნაწილიდან განხორციელდება.
სკეიტერები პარკის მოწყობას წლების განმავლობაში ითხოვდნენ.