“საერთაშორისო გამჭვირვალობა-საქართველო” წყალტუბოს მუნიციპლიტეტში
გამოვლენილი იმ პრობლემების ჩამონათვალს აქვეყნებს, რომელთა გადაჭრაც იგეგმება. ორგანიზაციას წყალტუბოს ადგილობრივი თვითმმართველობა შემდეგი პრობლემების გადაჭრას დაჰპირდა:
ლორთქიფანიძის ქუჩაზე, გურამიშვილის #6 -ისა და #1 ბაღის მიმდებარედ მოწესრიგდება კანალიზაცია,
წყალტუბოს პარკში საზოგადოებრივი საპირფარეშო მოეწყობა,
წყალტუბოს პარკში, სოფლებში: მეორე უბანსა და გუმათში წყალმომარაგების პრობლემა მოგვარდება,
ქალაქში ბავშვთა გასართობი მოედნები და სპორტული კომპლექსი მოეწყობა,
წყალტუბოს პარკში შშმ პირებისათვის ხიდები ადაპტირდება,
სოფელი მეორე უბანი ბუნებრივი აირით მომარაგდება,
სოფლებში: დღნორისაში, ხომულსა და ზარათში საზოგადოებრივი ტრანსპორტი იმოძრავებს,
გურამიშვილის ქუჩა #2-ში, ასევე სოფლებში: ხომუშლი, რიონსა და ზარათში გზის საფარი მოწესრიგდება.
“საერთაშორისო გამჭვირვალობა-საქართველოს” სამოქალაქო საბჭოს წევრებს იმერეთში გამოვლენილი 38 პრობლემიდან ადგილობრივი მუნიციპალიტეტები 2019 წელს 25 პრობლემის მოგვარებას ჰპირდებიან.