Google Chrome-ში სტრიმის მოსმენა შეზღუდულია.   გთხოვთ გამოიყენოთ სხვა ბროუზერი

საზოგადოება
 იმერეთის რეგიონში 650-მდე მოხალისე მარტოხელა მოხუცებსა და მადლიერების სახლების ბენეფიციარებს საკვებით ამარაგებს
იმერეთის რეგიონში გადამზადებული მოხალისეები საჭიროების მქონე მოქალაქეებს აქტიურად ეხმარებიან. როგორც რადიო ,,ძველ ქალაქს" იმერეთის სახელმწიფო რწმუნებულის ადმინისტრაციიდან აცნობეს, იმერეთის რეგიონში 650-მდე მოხალისეა მობილიზებული. ისინი მადლიეების სახლების ბენეფიციარებს და 70 წელს გადაცილებულ მარტოხელა მოხუცებს საკვებს აწვდიან.

,,ამ დროისთვის ქუთაისში 100 მოხალისეა მობილიზებული, ყველა მათგანი გადამზადებულია "წითელი ჯვრის" მიერ. ერთ კვირაზე მეტია, მოხალისეებს ყოველდღიურად საკვები მიაქვთ ქუთაისის ა(ა)იპ მადლიერების სახლის ბენეფიციარებისთვის. ასევე, საკვები პროდუქტები დაურიგეს ქალაქში რეგისტრირებულ 600-მდე 70 წელს გადაშორებულ მარტოხელა მოხუცს. გარდა ამისა, თუ რომელიმე მათგანს დასჭირდება რაიმე სახის დახმარება მოხალისეები მზად არიან დასახმარებლად, რათა მაქსიმალურად იყოს დაცული ამ ასაკის ადამიანების თვითიზოლაცია და სახლიდან არ გავიდნენ. ისინი "ლიბერთი ბანკის" თხოვნით, არეგულირებენ რიგებს ბანკომანტებთან, მოქალაქეთა უსაფრთხოების მიზნით. ასევე, ქალაქის მასშტაბით, მონიტორინგს უწევენ ფასების ცვალებადობას პროდუქტებზე.

ბაღდათის მუნიციპალიტეტში ამ დროის მონაცემებით 30 მოხალისე ირიცხება, რომლებიც "წითელმა ჯვარმა" გადაამზადა. მოხალისეები ყოველდღიურ რეჟიმში ეხმარებიან 70 წელს გადაცილებულ მოქალაქეებს მათივე საჭიროებებიდან გამომდინარე, ასევე, უფასო სასადილოს ხანდაზმულ ბენეფიციარებს საკვების შინ მიტანას უზრუნველყოფენ. გარდა ამისა, ამოწმებენ მაღაზიების და აფთიაქების სანიტარულ ნორმებს და მონიტორინგს უწევენ არსებული რეგულაციების და წესების დაცვას (ამოწმებენ რესტორნებს, ბარებს, მაღაზიებსა და ყველა იმ ობიექტს, რომლებსაც ფუნქციონირება დროებით აეკრძალათ).

წყალტუბოში ამ ეტაპზე 56 გადამზადებული მოხალისე ირიცხება, თუმცა მათი რიცხვი იზრდება, მოხალისეები ეხმარებიან სათნოების სახლის ბენეფიციარებს და 70 წელს გადაცილებულ მოქალაქეებს, ასევე, ისინი დაარეგულირებენ რიგებს ბანკებსა და სასურსათო მაღაზიებში.

სამტრედიის მუნიციპალიტეტში ამ ეტაპზე 150 მოხალისეა რეგისტრირებული. "წითელმა ჯვარმა" უკვე გადაამზადა რამდენიმე ჯგუფი, დღესაც მიმდინარეობს ტრენინგი. მოხალისეები "ლიბერთი ბანკთან" იცავენ წესრიგს. გარდა ამისა, 70 წელს გადაცილებულ, მარტოხელა მოქალაქეებს ბინაზე ემსახურებიან, საჭიროების შემთხვევაში.

ხონის მუნიციპალიტეტში მობილიზებულია 70-მდე მოხალისე, "წითელმა ჯვარმა" ტრენინგი უკვე ჩაუტარა 30 მათგანს და გადამზადება დღესაც აქტიურად მიმდინარეობს.

ტყიბულის მუნიციპალიტეტში 15 მოხალისე ირიცხება, ისინი წითელმა ჯვარმა დაატრენინგა. ასევე, მიმდინარეობს მოხალისედ რეგიატრაციის პროცესიც. მოხალისეები საინფორმაციო ბროშურებს არიგებენ სხვადასხვა დაწესებულებებში, სურსათის მაღაზიებსა და სააფთიაქო ქსელებში, ასევე ჩაერთნენ 70 წელს გადაცილებულ პენსიონერთათვის სურსათის და მედიკამენტების მიწოდებაში.

ზესტაფონის მუნიციპალიტეტში მერიის მობილიზებით, ჩამოყალიბდა 20-კაციანი ჯგუფი. მოხალისეებს, 22 მარტს, "წითელი ჯვრის" წარმომადგენლებმა ჩაუტარეს ტრენინგი და საინფორმაციო ბუკლეტები გადასცეს. მუნიციპალიტეტში ამ ეტაპზე დავალებების გადანაწილების პროცესი მიმდინარეობს და საჭიროებების შემთხვევაში შესაბამის აქტივობებს განახორციელებენ.

ჭათურის მუნიციპალიტეტში მოხალისეთა 135-კაციანი ჯგუფი ჩამოყალიბდა. ტრენინგი "წითელი ჯვრის" ჭიათურის ორგანიზაციის წარმომადგენლებმა უკვე ჩაუტარეს და რეკომენდაციები მისცეს. მოხალისეები დღეს დილიდან იცავენ წესრიგს "ლიბერთი ბანკში", ასევე ბანკომატებთან, რათა მოქალაქეებმა დისტანციურად შეძლონ პენსიის აღება.

ხარაგაულის მუნიციპალიტეტში 15 მოხალისეა გადამზადებული, დღეს დილით მერიის დაფინანსებით მოხალისეებმა, მაღალმთიან სოფელ გოლათუბანში მცხოვრებ ორ ოჯახს, რომლებიც არიან შშმ პირები და არ ჰყავთ მარჩენალი, მიუტანეს საკვები პროდუქტები და ჰიგიენის ნივთები. ასევე, მონაწილეობას იღებენ ხარაგაულის საჯარო დაწესებულებების და სასურსათო მაღაზიების დეზინფექციაში, ხვალ დილიდან კი დაარეგულირებენ რიგებს ბანკთან.

საჩხერის მუნიციპალიტეტში ამ ეტაპზე 15 მოხალისეა მობილიზებული, რომლებიც წითელმა ჯვარმა დაატრენინგა. აქტივობების ამ მიმართულებით დაგეგმარება უკვე დაიწყო და შესაბამისი დავალებებიც გაიცა.

თერჯოლის მუნიციპალიტეტის მერიაში შეიქმნა მოხალისეთა ჯგუფი 15-კაციანი შემადგენლობით, რომელიც ყოველდღიურ რეჟიმში სხვადასხვა დახმარებას უწევს 70 წელს გადაცილებულ მარტოხელა მოხუცებსა და სხვადასხვა საჭიროების მქონე მოქალაქეებს, არეგულირებს რიგს ბანკომატებთან, სავაჭრო დაწესებულებებთან, ასევე მონაწილეობს თვითიზოლაციაში მყოფ მოქალაქეთა კონტროლში.

ვანის მუნიციპალიტეტში ამ დროისთვის 10 მოხალისეა მობილიზებული, რომლებიც წითელმა ჯვარმა გადაამზადა. ისინი არეგულირებენ რიგებს ბანკებთან და კონტროლს უწევენ თვითიზოლაციაში მყოფ მოქალაქეებს."- ნათქვამია იმერეთის სახელმწიფო რწმუნებულის ადმინისტრაციის მიერ მოწოდებულ ინფორმაციაში.


FaceBook Twitter Google
ამავე კატეგორიაში
PLAYLIST HISTORY
Aliexpress WW
«« აპრილი  »»
3031 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 123
ამინდი
თბილისი 0 - 6 °C
img
ქუთაისი 5 - 16 °C
img
ბათუმი 6 - 11 °C
img
პოპულარული - ბოლო 30 დღის
ქუთაისში დაკარგული ტურისტის ცხედარი მაშველებმა იპოვეს
17 დღიანი უწყვეტი საძიებო სამუშაოების შედეგად, შინაგან საქმეთა სამინისტროს საგანგებო სიტუაციების
21:55 / 27.03.2020
,,უარს ვამბობ სამსახურეობრივი ავტომობილით სარგებლობაზე" - ირაკლი შენგელია
ქუთაისის საკრებულოს თავმჯდომარის მოვალეობის შემსრულებელი ირაკლი შენგელია
15:04 / 18.03.2020
სალომეს გზა მალტადან წყალტუბოს საკარანტინო ზონამდე
სალომე ნაცვლიშვილი ერთ-ერთია იმათგან ვინც საქართველოში ახლახანს დაბრუნდა და კორონავირუსის პრევენციის მიზნით
19:45 / 21.03.2020
ქუთაისში მძღოლის მკვლელობაში ბრალდებული დაკავებულია
ქუთაისში, რეზო თაბუკაშვილის ქუჩაზე მდებარე ავტოსამრეცხაოსთან, საქალაქო ტრანსპორტის
21:57 / 21.03.2020