1-ლი ივნისიდან მუშაობას ღია ტიპის მაღაზიები, ღია და დახურული

სახის ბაზრობები, მოლები და ღია სივრცის რესტორნები შეძლებს. ამის შესახებ გიორგი გახარიამ საკოორდინაციო საბჭოს სხდომაზე განაცხადა. 8 ივნისიდან კი რესტორნებში ყველა სახის მომსახურება დასაშვები იქნება, ასევე გაიხსნება სასტუმროები.

“1-ლი ივნისიდან მუშაობას შეძლებს ყველა სახის ღია მაღაზია, მათ შორის მოლები. ღია და დახურული ყველა სახის ბაზრობები და ღია სივრცის მქონე რესტორნები. 8 ივნისიდან ყველა სახის მომსახურეობა გაიხსნება რესტორნებში. ეს ნიშნავს იმას, რომ რესტორნებს სრულად შეეძლებათ იმუშაონ. 8 ივნისიდან გაიხსნება სასტუმროებიც, მხოლოდ ის სასტუმროები, რომელთაც გავლილი ექნებათ ჯანდაცვის სამინისტროს შესაბამისი უწყების შემოწმება და ექნებათ ნებართვა,”-განაცხადა გიორგი გახარიამ.

გახარიას განმარტებით, საზოგადოებრივი თავშეყრის ადგილებში პირბადეების ტარება სავალდებულო იქნება, ხოლო სხვა დამატებითი ნორმების შესახებ ცნობილი დღის განმავლობაში გახდება.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *