თაბუკაშვილის და სულხან-საბას ქუჩის მოსახლეობა მეტალურგიული ქარხნის დახურვას ითხოვს

თაბუკაშვილისა და სულხან-საბას ქუჩის მაცხოვრებლებმა 12 სექტემბერს აქცია გამართეს.


მოსახლეობა მეტალურგიული ქარხნის "ამბიკონ სტილსი"-ს დახურვას ითხოვს. მათი თქმით, ქარხანა მათ საცხოვრებელ გარემოს და ჰაერს აბინძურებს. მაცხოვრებლები ამბონენ, რომ ქარხნის გამონაბოლქვი იმდენად ძლიერია, ფანჯრებს ვერც დღისით და ვერც ღამით აღებენ.

მოსახლეობამ ამ პრობლემით არაერთხელ მიმართა ადგილობრივ თვითმმართველობას და გარემოს დაცვის ეროვნულ სააგენტოს, თუმცა საკითხი არ გადაჭრილა.

რადიო "ძველი ქალაქი" ესაუბრა ადგილობრივ მაცხოვრებელს, ხათუნა ტყეშელაშვილს, რომელიც რამდენიმე წელია ამ პრობლემის მოგვარებას ცდილობს.

ის ჩვენთან საუბრისას ამბობს, რომ ქარხანა იმდენად ძველი და გაუმართავია, რომ ფილტრების დაყენებას აზრი არ აქვს და ქარხანა უნდა დაიხუროს. მისი თქმით, მეტალურგიული ქარხანა არა მხოლოდ იქ მცხოვრებთა უფლებებს არღვევს, არამედ ირღვევა იქ დასაქმებულთა შრომითი უფლებები. საწარმოში უსაფრთხოების ნორმები სრულიად უგულებელყოფილია და მისი ფუნქციონირების  პერიოდში იქ სამი მუშა დაიღუპა.


"დაახლოებით სამი წელია გვაქვს ეს პრობლემაა. ეს არის ე.წ. "ჯართის" გადამამუშავებელი ქარხანა. აქ იყო ძველი ქარხანა და მის ბაზაზე გააკეთეს შემდეგ "ამბიკონ სტილსი". იმდენად ძველი და ამორტიზებულია შიგნით ყველაფერი, რომ ფილტრების დაყენებასაც კი არ აქვს აზრი. მანქანის ნარჩენები, რამდენი ნივთიერება შეიძლება იქ მოხვდეს. ადნობენ ამ ყველაფერს და როგორც ცეცხლი დაგინთია, ისე გამოიყოფა კვამლი ჰაერში. ჰაერში გამოიფრქვევა, როგორც შავი, ისე თეთრი კვამლი.
ჩვენს გვერდით დასახლებაა, მოსახლეობას მწვანილი მოჰყავს, ამბობენ, რომ ბოლო წლებია მწვანილი აღარ მოდის, ხეები ხმება. ყველა ცოცხალი ორგანიზმისთვის მომწამვლელია ეს გამონაბოლქვი.

ვრეკავთ გარემოს დაცვის ცხელ ხაზზე, გვეუბნებიან რომ გამოვუუშვებენ ლაბორატორიას, აიღებენ სინჯებს, გაატარებენ შესაბამის ზომებს. დაახლოებით ერთი თვის უკან გვითხრეს, რომ ჯგუფი არის ჩამოსული, იკვლევს ჰაერში ამ მავნე ნივთიერებებს, თუმცა რა დონეზე მოხდა ეს შემოწმება არ ვიცით, რადგან შედეგი არ ჩანს.

ჩვეულებრივი მოქალაქისთვის ფოთლების დაწვაზე 200 ლარიანი ჯარიმაა დაწესებული და ამხელა ქარხანა ბოლავს და ვაჯარიმებთო ამბობენ, მაგრამ ამით მოსახლეობას რა? ჩვენი პრობლემა არ გვარდება. ადგილობრივად, მერიას არაერთხელ მივმართეთ, ყველას აქვს ინფორმაცია და გვეუბნებიან, რომ მხოლოდ დაჯარიმების უფლება აქვთ და კანონი ქარხნის დახურვის უფლებას ამ ეტაპზე, არ იძლევა. 

ეს ქარხანა მარტო მოსახლეობის უფლებებს არ არღვევს, ქარხანაში მომუშავეთა შრომითი უფლებები საერთოდ უგულებელყოფილია. სამი მუშა დაიღუპა. კაპიკებზე ამუშავებენ გაჭირვებულ ადამიანებს, რომლებსაც პურის ფული არ აქვთ და 200 ლარზე მუშაობენ, სავარუდოდ. იქ რომ გაჩერდე 24 სააათი, წამლებში არ გეყოფა 200 ლარი საათში." - ხათუნა ტყეშელაშვილი

"ძველი ქალაქი"  გააგრძელებს თემის მოკვლევას შესაბამის ინსტანციებში.

რაც შეეხება ჰაერის დაბინძურების საკითხს, სამეცნიერო კვლევების თანახმად, დაბინძურებული ჰაერი ადამიანის ჯანმრთელობას მძიმე და მრავალმხრივ ზიანს აყენებს. დაბინძურებული ჰაერი ზრდის უნაყოფობის, სხვადასხვა ონკოლოგიური და გულსისხლძარღვთა დაავადების, კოგნიტური დაქვეითების, რესპირატორული პრობლემების ჩამოყალიბების რისკს.

ხშირ შემთხვევაში, ეს რისკები უფრო მაღალია სხვადასხვა მოწყვლადი ჯგუფისთვის, ქრონიკული დაავადებების მქონეთათვის, ასაკოვანი მოსახლეობისთვის, ქალებისა და ბავშვებისთვის.

 

FaceBook Twitter Google
ამავე კატეგორიაში
დღეს, 2 დეკემბერს რადიო
12:41 / 02.12.2021

დღეს, 2 დეკემბერს რადიო "ძველი ქალაქი" 26 წლის გახდა.

დღეს, 2 დეკემბერს რადიო
12:41 / 02.12.2021

დღეს, 2 დეკემბერს რადიო "ძველი ქალაქი" 26 წლის გახდა.


ქუთაისში, წითელ და ჯაჭვის ხიდებს რეაბილიტაცია ჩაუტარდებათ.
16:08 / 01.12.2021

ქუთაისში, წითელ და ჯაჭვის ხიდებს რეაბილიტაცია ჩაუტარდებათ.
გამოიწერეთ სიახლეები

თქვენი ელ.ფოსტა:

ამინდი
თბილისი 0 - 9 °C
img
ქუთაისი 2 - 9 °C
img
ბათუმი 6 - 12 °C
img
სოხუმი 4 - 10 °C
img
ფოთი 7 - 11 °C
img
თელავი -1 - 8 °C
img
მესტია -8 - 0 °C
img
ზუგდიდი 1 - 9 °C
img
ბორჯომი -3 - 4 °C
img
პოპულარული - ბოლო 30 დღის
ქუთაისელი ექიმები მთავრობას მიხეილ სააკაშვილის მულტიპროფილურ კლინიკაში გადაყვანის მოთხოვნით მიმართავენ


ქუთაისში სამედიცინო სფეროს წარმომადგენლები შეიკრიბნენ და საქართველოს მთავრობას მიმართეს საქართველოს მესამე პრეზიდენტის, მიხეილ სააკაშვილის მულტიპროფილურ კლინიკაში გადაყვანის მოთხოვნით.

11:26 / 15.11.2021
„ნინასოული სახლი“, ფემინისტური კუთხე ბაღდათში და დიმელ ქალთა ამხანაგობა



ერთი წელია,  რაც ლილი ფულარიანმა იმ სახლში ცხოვრება გადაწყვიტა, რომელიც 120 წლის წინ  მისმა ბაბუამ ბაღდათის ყველაზე მაღალმთიანი სოფლიდან,  ხანიდან ჩამოიტანა.

17:19 / 10.11.2021
პოლიტიკის სიახლეები
სააკაშვილი: მაქვს ოცნება, პატარა კრედიტი გამოვიტანო და 40 ნომრიანი სასტუმრო გავაკეთო
15:47 / 02.12.2021


მიხეილ სააკაშვილმა, თბილისის საქლაქო სასამართლოში "პიჯაკების საქმეზე" გამართულ პროცესზე განაცხადა, რომ მისი ოცნებაა ყვარელში

სააკაშვილი:  ჩემი ქვეყნის წარმოჩენა მინდოდა უმაღლეს დონეზე ყველგან სადაც მივდიოდი
15:35 / 02.12.2021


საბიუჯეტო თანხის გაფლანგვის საქმეზე მიხეილ სააკაშვილის სასამართლო სხდომა დასრულდა.

მიხეილ სააკაშვილი "პიჯაკების საქმეზე" სასამართლო პროცესს დაესწრება
10:20 / 02.12.2021


დღეს, თბილისის საქალაქო სასამართლოში ე.წ. პიჯაკების საქმეზე სასამრთლო პროცესი გაიმრთება.

იოსებ ხახალეიშვილი: ქუთაისის კულტურის სტრატეგია უმნიშვნელოვანეს როლს შეასრულებს ქალაქის განვითარების პროცესში
23:19 / 01.12.2021
პროექტ EU4Culture საქართველოში ევროკავშირის წარმომადგენლობის მხარდაჭერით, შერჩეული ქალაქების- ქუთაისის, ზუგდიდისა და ფოთის დაჯილდოების ცერემონია გაიმართა.