“ტორპედოს” ახალი მთავარი მწვრთნელი მიხეილ აშვეთია იქნება
ქუთაისის "ტორპედოს" ახალი მთავარი მწვრთნელი მიხეილ აშვეთია იქნება. ინფორმაციას საფეხბურთო კლუბის საზოგადოებასთან ურთიერთობის სამსახური ავრცელებს. აშვეთიას ოფიციალურად იტალიელი ინვესტორი ფაბიო მანინი წარადგენს. "ტორპედოს" ახალი ინვესტორი პრესკონფერენციას გამართავს და ჟურნალისტებთან კლუბის მომავალზე ისაუბრებს.

მიხეილ აშვეთია მთავარი მწვრთნელის მოვალეობას გუნდიდან კახა ჩხეტიანის წასვლის შემდეგ ასრულებდა.

გუნდი ფინანსური პრობლემების გამო დაშლის პირას იმყოფება. "ტორპედო" ფეხბურთელებმა და მწვრთნელებმა დატოვეს. რამდენიმეთვიანი მოლაპარაკებების შემდეგ, გუნდში ინვესტიციას იტალიელი ინვესტორი ჩადებს.



| Print |