ქუთაისში, “კლინიკა ბომონდში” კოვიდ
19-ით გვიან ღამით 11 პაციენტი მოათავსეს. პაციენტებიდან ზრდასრულია, ხოლო შვიდი ბავშვია. ინფიცირებულებს შორის არის ორსული ქალიც. 11 პაციენტიდან 10 ქუთაისის მკვიდრია, ხოლო ერთი არასრულწლოვანი კლინიკაში ქობულეთიდან გადმოიყვანეს.
კლინიკის ინფორმაციით, ამ დროისთვის ინფიცირებულებს შესაბამისი კვლევები უტარდებათ.
“კლინიკა ბომონდში” კორონავირუსით ინფიცირებული პაციენტების სამკურნალოდ შესაბამისი სამედიცინო ინფრასტრუქტურითა და ბოქსირებული პალატებით აღჭურვილი ერთი კორპუსი გამოიყო. აღნიშნულ კორპუსს სპეციალურად გადამზადებული პერსონალი ემსახურება. კლინიკის სხვა ნაწილში გეგმიური თუ გადაუდებელი აუცილებლობით შემოსული პაციენტების მომსახურება ჩვეულ რეჟიმში ხორციელდება,”-ამბობს “კლინიკა ბომონდი”-ს ამბულატორიული სამსახურის ხელმძღვანელი მამია ყიფიანი.
ბოლო მონაცემებით, საქართველოში კორონავირუსის 165 ახალი შემთხვევა დაფიქსირდა.