ქუთაისში ბათუმში კორპუსის ჩამონგრევის შედეგად დაღუპული მოზარდის ნამუშევრების გამოფენა გაიმართა
ქუთაისში, 8 ოქტომბერს ბათუმში კორპუსის ნგრევის შედეგად დაღუპული მოზარდის დათა შომახიას ნახატების გამოფენა გაიმართა. ღონისძიება ასოციაციასთან ,,ქალები რეგიონების განვითარებისთვის" არსებული ქუთაისის ქალთა კლუბის ორგანიზებით მოეწყო. ნამუშევრები
26-დან 29 აპრილის ჩათვლით იყო გამოფენილი. დასკვნითი ღონისძიება დღეს გაიმართა. ღონისძიებას დათა მამა გია შომახია და პედაგოგი ლია კასპელაშვილიც ესწრებოდნენ.

,,დათა სხვანაირი ბავშვი იყო, საკუთარი სამყარო ჰქონდა. ახლა მის ნამუშევრებს რომ ვეცნობი, მეორე აზრს ვკითხულობ. ერთ ნამუშევარში მთვარე და მდინარეში არეკლილი მთვარის ჩრდილია ასახული. აქ გასაოცარი ის არის, რომ ჩრდილი მთვარეზე დიდია, თითქოს არეკლილი სამყაროა ყველაფერი, დათაც სხვა სამყაროში გადავიდა, თითქოს წინასწარმეტყველური სურათია. დედა-შვილის სურათიც რაღაცნაირი წინასწარმეტყველური სურათი გამოვიდა, რადგან ის დედასთან ერთად დაიღუპა. ძალიან განვიცდი, როცა ვიაზრებ, რომ დათა ვიღაცის უპასუხისმგებლობას შეეწირა,"-ამბობს დათა შომახიას პედაგოგი ლია კასპელაშვილი.

,,დათა უცნაური ადამიანი იყო. მიკვირდა ჩემი შვილის. ხატავდა მაშინ, როცა მუზა მოსდიოდა. ვფიქრობ, მას დიდი მომავალი ჰქონდა,"-ამბობს დათას მამა გია შომახია.

გამოფენის პარალელურად, დამთვალიერებელს შესაძლებლობა ჰქონდა შეეძინა არტ-სტუდია „ანდამატის“ და ქუთაისის ქალთა კლუბის ფინანსური მხარდაჭერით გამოცემული კატალოგი ,,დათას ფერადი სამყარო". კატალოგი სრულად მოიცავს დათას მიერ შესრულებულ ნახატებს და მის ბიოგრაფიულ ნაწილს.

,,ამ დღეების განმავლობაში დამთვალიერებელს საშუალება ჰქონდა გაცნობოდა დათა შომახიას ნამუშევრებს , გაცნობოდა დათას სამყაროს. მივიღეთ გადაწყვეტილება ამ გამოფენით დავხმარებოდით არანაკლები ტრაგედიით დაზარალებულ ადამიანებს, უკრაინელ ხალხს,"-ამბობს ქუთაისის ქალთა კლუბის თავმჯდომარე მარიკა ვაჭარაძე.

8 ოქტომბერს ბათუმში, 26 მაისის ქუჩაზე, ხუთსართულიანი კორპუსი ჩამოინგრა. ნგრევის შედეგად 9 ადამიანი დაიღუპა, მათ შორის, 12 წლის დათა შომახია დედასთან ერთად.
FaceBook Twitter Google
გამოიწერეთ სიახლეები

თქვენი ელ.ფოსტა:

პოპულარული - ბოლო 30 დღის
ქართულ კომაპნიებს უკვე აქვთ შესაძლებლობა, მონაწილეობა მიიღონ ევროკავშირის ქვეყნების ტენდერებში
ევროკავშირის შესყიდვების საერთო ბაზარი საქართველოსთვის გაიხსნა, რაც იმას ნიშნავს, რომ ქართულ კომპანიებს უკვე აქვთ შესაძლებლობა მონაწილეობა მიიღონ ევროკავშირის ქვეყნებში გამოცხადებულ სახელმწიფო შესყიდვებში.
17:35 / 29.07.2022
,,ლაშა ჩხიკვაძე უკვე ღიად ჩაერთო მთავრობის ანტიდასავლურ პროპაგანდაში’’-ნიკა გვარამიას ადვოკატი
,,მთავარი არხის" გენერალური დირექტორის, ნიკა გვარამიას ადვოკატი, დიმიტრი საძაგლიშვილი აცხადებს, რომ მოსამართლე ლაშა ჩხიკვაძე დღევანდელი განცხადებით "ქართული ოცნების" ანტიდასავლურ პროპაგანდაში ღიად ჩაერთო.
15:53 / 15.07.2022
ტორესა მოსმა და ნენე კვინიკაძემ, ქუთაისელ აუდიტორიასთან ერთად, საზოგადოებაში საბჭოურ გადმონაშთებზე იმსჯელეს
ქართულ საზოგადოებაში საბჭოთა რეალობის კვალზე სასაუბროდ, ქუთაისს მწერლები - ტორესა მოსი და ნენე კვინიკაძე ეწვივნენ.
15:30 / 20.07.2022
ქუთაისის მეტალურგიულ ქარხანას წარმოების უფლება შეუჩერეს

ქუთაისის მეტალურგიულ ქარხანას, რომელთანაც ნიკეას მცხოვრებლებმა აქცია გამართეს და კომპანია გარემოსთვის მიყენებულ ზარალში დაადანაშაულეს,  წარმოების უფლება შეუჩერდა.

14:12 / 28.07.2022
,,შვეიცარიულ ბანკთან ჩემს პრობლემებს საქართველოში მიმდინარე პროცესებთან პირდაპირი კავშირი აქვს’’-ბიძინა ივანიშვილი
საქართველოს ყოფილი პრემიერ-მინისტრი ბიძინა ივანიშვილი მის პირად პრობლემას შვეიცარულ ბანკთან საქართველოში მიმდინარე პროცესებს უკავშირებს.
12:11 / 27.07.2022
,,ქართული ოცნება’’ კიდევ ერთმა დეპუტატმა-გურამ მაჭარაშვილმა დატოვა
"ქართული ოცნებიდან" წასულ სამეულს გურამ მაჭარაშვილიც უერთდება.
14:27 / 28.07.2022
,,დასავლეთს საქართველოს ომში ჩათრევის ინტერესი არ აქვს’’- კელი დეგნანი
საქართველოში ამერიკის შეერთებული შტატების ელჩი, კელი დეგნანი ბიძინა ივანიშვილთან გამართულ შეხვედრაზე საუბრობს და აცხადებს, რომ შეხვედრაზე საქართველოს რუსეთ-უკრაინის ომში ჩართვაზე საუბარი არ ყოფილა.
12:20 / 28.07.2022
ამინდი
თბილისი 21 - 34 °C
img
ქუთაისი 21 - 32 °C
img
ბათუმი 23 - 28 °C
img
სოხუმი 22 - 27 °C
img
ფოთი 23 - 27 °C
img
თელავი 21 - 32 °C
img
მესტია 11 - 18 °C
img
ზუგდიდი 21 - 29 °C
img
ბორჯომი 16 - 29 °C
img