პოლიტიკა
"გარე განათების სანათების გადაცემა ვანისა და ხონისათვის ამომრჩეველთა ხმების მოსაპოვებლად იგეგმებოდა"
ქუთაისის საკრებულოს რიგით მე-7 სხდომის დღის წესრიგში ცვლილება შევიდა. თავდაპირველად, ვანისა და ხონის მერიებისათვის მეორადი გარე განათების სანათების გადაცემა იგეგმებოდა, თუმცა გადაწყვეტილება ბიუროს სხდომაზე გაუქმდა და საკითხი დღის წესრიგიდან ამოიღეს.

როგორც "ევროპული საქართველოს" დეპუტატი დავით გოგისვანიძე განმარტავს, სანათების გადაცემა აღნიშნულ მუნიციპალიტეტებში მოახლოებულ არჩევნებს უკავშირდება და "ქართული ოცნება" ამ ქმედებით წინასაარჩევნო დაპირების შესრულებას ცდილობდა. ოპოზიციონერი დეპუტატის თქმით, პარტიამ უწყებათაშორის კომისიას მიმართა, რის გამოც საკითხი დღის წესრიგიდან ამოიღეს.

"რატომღაც ქუთაისმა გამოიჩინა კეთილი ნება, რომ ვანისა და ხონის მუნიციპალიტეტებისათვის გადაეცა გარე განათების სანათები. ხონსა და ვანში დადიან "ქართული ოცნების" აქტივისტები და მოსახლეობას დაპირებას აძლევენ, რომ არჩევნებამდე გარე განათების პრობლემას მოუგვარებენ. გარე განათების სანათების გადაცემა ვანისა და ხონისათვის ამომრჩეველთა ხმების მოსაპოვებლად იგეგმებოდა,"-განაცხადა გოგისვანიძემ.

ოპოზიციის ბრალდებებს ქუთაისის საკრებულოს თავმჯდომარემ ნიკოლოზ ლატარიამ უპასუხა.

"ვანისა და ხონის მერებიდან წერილობითი თხოვნა შემოვიდა, სწორედ ამიტომ განვიხილეთ საკითხი ბიუროზე. ქმედებას არანაირი პოლიტიკური მოტივი არ ახლდა,"-განაცხადა ლატარიამ.

როგორც საკრებულოს თავმჯდომარემ  განმარტა, სანათების მიღებაზე სურვილი სხვა მუნიციპალიტეტებმაც გამოთქვეს, თუმცა მერიას სანათების საკმარისი რაოდენობა არ აღმოაჩნდა.


FaceBook Twitter Google
ამავე კატეგორიაში
ქუთაისში გარემოვაჭრეები გარევაჭრობის საფასურს მერის ბრძანების
საფუძველზე
16:24 / 27.01.2020
ქუთაისში გარემოვაჭრეები გარევაჭრობის საფასურს მერის ბრძანების საფუძველზე
ქუთაისის მერია მერიისა და საკრებულოსთვის საინფორმაციო-სარეკლამო
14:14 / 27.01.2020
ქუთაისის მერია მერიისა და საკრებულოსთვის საინფორმაციო-სარეკლამო
ამინდი
თბილისი 0 - 9 °C
img
ქუთაისი 6 - 12 °C
img
ბათუმი 9 - 14 °C
img
პოპულარული - ბოლო 30 დღის
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო
ორწლიანი სასამართლო დავის შემდეგ მოქალაქემ ქუთაისის მერიას პროცესი მოუგო. ქუთაისის
16:26 / 21.01.2020
ქუთაისის საბავშვო ბაღებში სასწავლო პროცესი 20 იანვარს განახლდება 
ქუთაისის საბავშვო ბაღებში სასწავლო პროცესის განახლება 20 იანვარს იგეგმება.
15:08 / 15.01.2020
,,დათვის ტბა" , ,,ბოგა" - ხონში ტურისტებისთვის დამატებითი სანახაობების შეთავაზებაზე მუშაობენ
ხონში ტურისტებისათვის ახალი ადგილების შეთავაზებაზე მუშაობენ. ხონის მუნიციპალიტეტის მერი,
18:18 / 10.01.2020